- +

Hvítlauksbrauð með rjómaosti og tómötum

Hvítlauksbrauð með rjómaosti og tómötum:
4 tsk. þurrger
2 tsk. salt
1 msk. sykur
1 box kirsuberjatómatar
5 dl volgt vatn (um 38-40 °C)
2 msk. ólífuolía (2-4 msk.)
100 g rjómaostur frá Gott í matinn
11 dl hveiti (11-12 dl)
Smátt söxuð steinselja, má vera þurrkuð eða fersk

Brauðsósa:
3 hvítlauksrif
2 msk. smátt söxuð steinselja
2 msk. ólífuolía (2-3 msk.)
Flögusalt

Feta ídýfa
2 dl grísk jógúrt frá Gott í matinn
1 msk. chilisósa
3 msk. fetakubbur frá Gott í matinn (3-5 msk. eða meira)
Svartur pipar, eftir smekk
Basilblöð skorin, eftir smekk

Jalapeno ídýfa
2 dl sýrður rjómi 18% frá Gott í matinn
1 msk. majónes
4 jalapeno bitar smátt skornir (4-5 eða eftir smekk)
Steinselja, smátt skorin

Aðferð:

Mælið um helming af hveitinu og hellið í skál. Bætið þurrgeri, salt, sykur (og steinselju ef þið viljið nota hana) saman við hveitið. Skerið tómata í helminga og blandið þeim saman við. Í annarri skál er vatni, ólífuolíu og rjómaosti blandað saman. Osturinn verður pínu kekkjóttur en það lagast um leið og þessi blanda fer saman við hveitið.

 

Hellið vatni – og ostablöndunni saman við hveitið og hrærið . Bætið við hveiti eftir þörfum og hnoðið þar til deigið er orðið þétt í sér og þægilegt að koma við og ekkert klístrað. Það á að sleppa vel frá hliðum skálarinnar.

 

Látið deigið hefast í 30-40 mínútur þar til tvöfalt á stærð á hlýjum stað undir klút. Hvolfið úr skálinni á hveitistráð borð og hnoðið deigið eftir hefinguna. Takið til form – ferkantað form í stærð um 32 x 22 cm er mjög hentugt og hellið ólívuolíu í það. Mótið kringlóttar bollur (10-12 st.) úr deiginu og raðið þeim í formið. Hafið smá pláss á milli hverja bollu þar sem þær eiga eftir að hefast enn einu sinni.

 

Blandið hráefnin fyrir brauðsósuna saman í skál.

 

Þrýstið varlega ofan á hverja bollu svo myndast lítil hola og setjið um eina tsk. af sósu í hverja bollu, dreifið sósunni örlítið yfir bolluna. Dreifið afganginum af sósunni yfir allar bollur ásamt skvettu af ólífuolíu og nokkrum saltflögum. Núna eiga bollurnar að hefast í annað sinn og eiga þær að hefast í rúmlega 30 mínútur.

 

Bakið brauðið neðarlega í ofninum í 25 – 30 mínútur. Ef bollurnar eru byrjaðar að dökkna í lok bökunartímans mæli ég með því að tylla álpappír ofan á brauðið og klára baksturinn.

 

Berið brauðið fram með pastaréttum, kjúklingasalati eða með nokkrum sósum og áleggi eins og feta- og jalapaneo ídýfum.

 

Feta- og jalapeno ídýfur:

 

Blandið hráefnunum fyrir sósurnar saman í sitt hvorri skálinni Smakkið til. Geymið í kæli þar til borið er fram.

Höfundur: Theodóra J. Sigurðardóttir Blöndal