- +

Heitur brauðréttur með ostum

Innihald:
1 stk. franskbrauð
1 stk. piparostur
1 stk. Mexíkóostur
1 askja skinkumyrkja
2 dl mjólk
1 bréf pepperóní
1 bréf skinka
1 stk. rauð paprika
1 stk. græn paprika
1 stk. poki af rifnum osti, t.d. Pizzaostur

Aðferð:

Setjið mjólk í pott undir meðalháum hita. Skerið ostana niður í minni bita og blandið þeim saman við mjólkina ásamt skinkumyrjunni. Hrærið saman og látið ostana bráðna alveg. Skerið pepperóní í litla bita ásamt skinkunni og blandið saman við ostablönduna þegar hún hefur náð að bráðna alveg. Skerið skorpuna af franskbrauðinu og skerið brauðið niður í litla teninga. Skerið paprikurnar smátt niður. Setjið helminginn af brauðinu í eldfast form ásamt helmingnum af rauðu og grænu paprikunni. Hellið ostablöndunni yfir brauðið. Setjið því næst restina af brauðinu yfir ostablönduna ásamt paprikunni og setjið rifinn ost yfir. Setjið inn í ofn við 200 gráðu hita og bakið þar til osturinn hefur náð að bráðna og rétturinn orðinn vel heitur. Njótið. 

Höfundur: Thelma Þorbergsdóttir