- +

Grilluð samloka með Gotta osti, salsasósu og pepperóní

Innihald:
2 stk. brauðsneiðar, samlokubrauð eða annað brauð
3 stk. Gotta ostur í sneiðum
2 msk. salsasósa, 2-3 msk.
6 sneiðar pepperoni
1 msk. mjúkt smjör
fersk basilíka eða annað ferskt krydd eftir smekk

Aðferð:

Þessi uppskrift dugar fyrir eina samloku.

Smyrjið tvær samlokubrauðsneiðar með salsasósu. Leggið Gotta ostsneið á báðar brauðsneiðar. Raðið þremur pepperoni sneiðum ofan á ostinn á annarri brauðsneiðinni og leggið svo hina brauðsneiðina ofan á.

Smyrjið brauðið að utan með þunnu lagi af smjöri og steikið á pönnu við meðalhita þar til gullinbrúnt. Snúið þá samlokunni við, smyrjið smá salsasósu ofan á samlokuna, setjið Gotta ostsneið ofan á og toppið með restinni af pepperoni sneiðunum.

Setjið samlokuna í ofn í 5 mínútur eða þar til osturinn bráðnar alveg og pepperoníið hefur aðeins bakast. Einnig er hægt að hafa samlokuna áfram á pönnunni og setja lok á þar til osturinn bráðnar. Stráið yfir smá fersku basil og berið fram.

 

Höfundur: Helena Gunnarsdóttir