- +

Foccacia-brauð

Innihald
2½ dl volgt vatn
2 tsk þurrger
1 tsk sykur
3 msk ólífuolía
hveiti eins og þurfa þykir, eða u.þ.b. 7 dl
2 msk ólífuolía
sjávarsalt eftir smekk

Aðferð:

1. Leysið gerið upp í vatninu. Setjið 3 msk af olíu og sykurinn saman við. Hrærið.
2. Bætið hveiti út í smátt og smátt ásamt salti. Hættið að bæta hveiti út í þegar deigið er ekki lengur klístrað og blautt. Hnoðið stutta stund og setjið deigið í olíuborna skál. Breiðið klút yfir og látið hefast á hlýjum stað í klukkutíma.
3. Hnoðið deigið aðeins niður og mótið með höndunum brauðhleif sem er u.þ.b. 35 x 25 cm að stærð. Leggið á ofnplötu klædda bökunarpappír. Búið til holur í brauðið með fingrunum og hellið 2 msk af ólífuolíu ofan í þær. Sáldrið sjávarsalti yfir. Látið hefast í 20 mínútur. Bakið í 15 mínútur við 200°.

Höfundur: Erma Sverrisdóttir