- +

Einfalt og fljótlegt hvítlauksbrauð

Innihald:
3 dl volgt vatn
½ dl matarolía
3 tsk. þurrger
½ tsk. salt
1 tsk. óreganó
1 dl rifinn mozzarellaostur
2 hvítlauksrif smátt skorin
5 dl hveiti (til að byrja með, 1-2 dl bætt við eftir þörfum eftir á)


Aðferð:

Kveikið á ofninum og stillið hitann á 200 °C og blástur.

Hellið vatn í skál og setjið þurrgerið saman við ásamt salti. Hrærið aðeins í þessu og látið standa þar til gerið er búið að leysast upp. Skerið hvítlauksrifin á meðan gerið er að leysast upp. Skerið þau eins smátt og hægt er.

Blandið hvítlauk, óreganó, rifinn ost og hveiti saman í sér skál og hellið því svo saman við gervatnið og hrærið vel í svo allt blandist vel saman. Og já, þetta er smá klístrað -  bætið 1 dl af hveiti saman við og hrærið áfram.  Ef deigið er enn mjög klístrað þá er meira af hveiti bætt saman við og hnoðað áfram þar til deigið er þægilegt að koma við. Látið deigið hefast á hlýjum stað í 20-30 mínútur.  

Takið deigið úr skálinni, setjið það á hveitistráð borð og hnoðið það með léttar hendur. Skiptið deigið í fjóra parta.  Mótið bollur, kringlur eða fléttur. Leggið bökunarpappír á bökunarplötu. Setjið brauðin á plötuna og látið þau hefast í 20 -30 mínútur. Bakið brauðin í neðri miðjuna í 15-20 mínútur eða þar til þau eru byrjuð að verða gyllt á litinn.

Höfundur: Theodóra J. Sigurðard. Blöndal