- +

Bollubrauð

Innihald:
8 dl hveiti (8 - 9,5 dl)
2 msk. sykur
½ tsk. salt
2½ tsk. þurrger
3½ dl vatn
½ dl olía
Fræ til skreytingar (svört sesamfræ, gyllt sesamfræ, ,,herbs de provence" krydd)

Aðferð:

Ofnhiti: 180 °C

Mældu þurrefnin og blandaðu þeim saman í skál.  

Blandaðu volgu vatninu saman við olíuna, helltu því saman við hveitið og hrærðu í deig. Bættu hveiti við eftir þörfum og hnoðaðu þar til deigið sleppir auðveldlega frá hliðum skálarinnar.

Láttu deigið hefast á hlýjum stað þar til það hefur tvöfaldast.

Settu fræin sem þú ætlar að nota í skálar.

Hafðu form (smelluform eða annað mátulegt form sem rúmar 20-24 bollur) tilbúið til að raða bollunum í og settu í það bökunarpappír.

Taktu deigið úr skálinni og hnoðaðu það varlega með hveiti eftir þörfum.

Rúlluðu deigið í eina lengju og skerðu það í bita (þetta verða um 20-24 bollur).

Taktu einn bita, rúllaðu í kúlu og dýfðu í eina tegund af fræ eða kryddi. Raðaðu fyrstu bolluna í miðju formsins.

Taktu næsta bita, rúllaðu í bollu og dýfðu í aðra tegund af fræi (eða kryddi). Settu þessa bollu og þær næstu í hring í kringum bolluna í miðjunni með mismunandi fræjum (eða kryddi) ofan á. Haltu þessu áfram þar til formið er orðið fullt af fallegum bollum.

Láttu brauðið hefast þar til tvöfalt.

Bakaðu brauðið neðarlega  í um 30 mínútur.

Höfundur: Theodóra J. Sigurðard. Blöndal