- +

Bananabrauð

Innihald:
125 g smjör við stofuhita
175 g púðursykur
1 tsk. vanilludropar
2 egg
2 bananar, vel þroskaðir
225 g hveiti
1 tsk. lyftiduft
1 tsk. matarsódi
1 tsk. kanill, kúfuð
120 g síróp

Aðferð:

Hitið ofninn í 160 gráðu hita og setjið smjörpappír í ílangt form. Hrærið smjör og sykur saman þar til blandan verður ljós og létt. Skafið hliðarnar af skálinni og blandið eggjum saman við og hrærið vel. Setjið hveiti, lyftiduft, matarsóda og kanil saman í skál og blandið saman. Blandið því saman ásamt stöppuðum bönunum, hveitiblöndunni, vanilludropum og sírópi. Hrærið þar til allt hefur náð að blandast vel saman. Setjið deigið í formið og bakið í 60 mínútur eða þar til tannstöngull kemur hreinn upp úr miðju brauðsins. Gott er að kæla brauðið aðeins í forminu áður en þið takið það út. Gott með smjöri, Nutella og bönunum eða því sem ykkur dettur í hug.

Höfundur: Thelma Þorbergsdóttir