- +

Æðisleg frönsk sveitabaka

Bökudeig:
250 g hveiti
100 g smjör
salt á hnífsoddi
75 ml kalt vatn

Fylling:
5 stk egg
430 g sýrður rjómi frá Gott í matinn
1 stk laukur
200 g beikon
salt og pipar
steinselja

Aðferð:

Bökuskel, aðferð:

Blandið 250 g af hveiti saman við 100 g af smjöri og brjótið smjörið hægt og rólega saman við hveitið. Bætið salti við og síðan köldu vatni og hnoðið saman í deig. Pakkið deiginu inn í plastfilmu og setjið í ísskáp í 30 mínútur.



Fletjið deigið svo út þannig að það sé stærra en bökuformið. Leggið síðan deigið ofan í mótið og formið eftir því. Gatið deigið með gaffli og bakið í 15-20 mínútur í 180°C. 



Á meðan bökuskelin er í ofninum útbúið þið fyllinguna. 



 

Fylling, aðferð:

Setjið fimm egg í skál og hrærið saman, bætið sýrðum rjóma saman við og kryddið til með pipar. Steikið lauk og beikon á pönnu þar til beikonið er stökkt.  


Setjið beikon og lauk í bökubotninn í mótinu og hellið eggjablöndunni yfir. Bakið í ofni við 180°C í 30-35 mínútur. 



Það er gott að láta bökuna standa í 20 mínútur eða svo áður en hún er skorin í sneiðar því þá verður hún þéttari í sér. Saxið steinselju og stráið yfir í lokin. 

Höfundur: Eva Laufey Hermannsdóttir