Bjór kjúklingur með kartöflusalati, fylltum sveppum og kaldri sósu

Grillaður bjór kjúklingur

• Kjúklingurinn er skolaður og lítil göt gerð undir skinnið á honum, í götin er stungið einni sneið af sítrónu, einni grein af thyme og einni af rósmarín.
• Bjórinn opnaður og dósinni er komið fyrir inn í kjúklingnum til að gufusjóða kjúlinginn að innan með bjór.
• Kjúklingurinn er nuddaður með olíu og kryddaður með salti og svörtum pipar.
• Grillið er hitað og kjúklingurinn settur á það þannig að hann standi uppréttur. Grilltími fer eftir stærð en yfirleitt um 1,5 klst.
• Gott getur verið að hafa álpappír vafinn um fuglinn fyrstu 15-25 mínúturnar.

Kartöflusalat með chilli og graslauk

• Kartöflurnar eru soðnar heilar í vatni, síðan eru þær sigtaðar og kældar.
• Hver kartafla er skorin í fjóra bita.
• Skarlottu laukurinn er skrældur og skorinn fínt niður, chillíinn er einnig saxaður fínt, graslaukurinn er saxaður og blandaður við skarlottinn og chillíinn.
• Að lokum er sýrðum rjóma og hunangi blandað saman við og börkur af ½ sítrónu raspaður út í.
• Smakkað er til með smá sítrónu safa, salti og pipar.

Fylltir sveppir með osti og beikoni

• Stilkurinn af sveppunum er hreinsaður úr.
• Beikonkurlið er steikt á pönnu þar til að það er orðið stökkt.
• Beikoninu er skipt jafnt ofan í sveppina og ostur er skorinn smátt og sett ofan á beikonið.
• Kryddað með salti og pipar og grillað í 10-15 mínútur.

Köld ostasósa

• Mjólkin er hituð í potti upp að suðu, ostinum er bætt við og pískað saman eða tekið með töfrasprota.
• Krydduð til með salti og pipar og síðan kæld.

Höfundur: Ungkokkar, Klúbbur matreiðslumeistara