Marengsbomba með vanillurjóma og rabarbara
Einfalt
- +

Marengsbomba með vanillurjóma og rabarbara

Innihald:
1 stk. tilbúinn marengsbotn

Rabarbaramauk:
2 dl sykur
Safi og börkur af einni appelsínu
600 g rabarbari, skorinn í litla bita

Vanillurjómi:
500 ml rjómi frá Gott í matinn
1 tsk. vanilluextract eða fræ úr einni vanillustöng

Aðferð:

1. Byrjið að gera rabarbaramaukið. Athugið að það má líka gera deginum áður og geyma í ísskáp. Setjið sykur í pott ásamt appelsínuberkinum og safanum. Hitið við meðalhita það til sykurinn hefur bráðnað að mestu. Bætið rabarbaranum út í og hrærið vel saman. Sjóðið í um 10 mínútur eða þar til rabarbarinn hefur mýkst aðeins og vökvinn gufað upp.  Setjið í skál og kælið alveg.

2. Þeytið rjómann ásamt vanillunni í mjúka toppa.

3. Brjótið marengsinn í litla bita.

4. Setjið eftirréttinn saman. Raðið til skiptis í glös eða eina stóra skál, marengs neðst, því næst rabarbara mauki og svo rjómanum. Einnig er gott að hræra dálítið af maukinu saman við helminginn af rjómanum og lagskipta svo eftir smekk. Toppið með myntulaufi og brotnum marengs.

5. Best er að bera réttinn fram fljótlega eftir samsetningu.

Höfundur: Helena Gunnarsdóttir