Tinna Alavis
Þunnbotna parma pizza með rucola, tómötum og fullt af osti
26. október 2015

Þunnbotna parma pizza með rucola, tómötum og fullt af osti

Þessi uppskrift er fljótleg og sérstaklega bragðgóð. Hún er tilvalin í miðri viku þegar maður veit ekkert hvað á að vera í matinn :)

Hér er allt sem þú þarft:

 

Álpappír

Olífuolía

Tortillas

50 gr. íslenskt smjör

3 hvítlauksrif

Góður parmesan ostur

5 stk. kirsuberjatómatar

Rucola salat eftir smekk

Serrano skinka

Pizza ostur

Ferskur mozzarella ostur

Ég byrjaði á því að útbúa hring úr álpappírnum og smyrja smá ólífuolíu undir tortilla botninn. Næst bræddi ég smjör í potti og kreisti hvítlaukinn út í. Hvítlaukssmjörinu er pennslað yfir allan tortilla botninn og því næst er rifnum parmesan osti stráð yfir.

Þá er komið að því að raða rucola og tómötum á pizzuna :)

Og Serrano skinkan kemur næst á eftir ...

 

 

Síðast en ekki síst.. Pizza ostur, ferskur mozzarella og meira af rifnum parmesan.

Þá er bara að skella pizzunni í ofninn á 180°C þangað til hliðarnar verða aðeins "crispy". Áður en ég ber hana fram bæti ég alltaf við smá rucola.

Bon appétit :)

Viltu fylgjast með þessum bloggara?

Skráðu þig til að fá nýjustu færslurnar sendar!