Tinna Alavis
Sætar kartöflur með fyllingu og beikonvafðar döðlur
03. apríl 2018

Sætar kartöflur með fyllingu og beikonvafðar döðlur

Allt sem þarf (fyrir fjóra):

2 sætar kartöflur

Kjúklingabringur (smátt skornar)

1 pakki sveppir

2 laukar

1 bréf beikon

1 dl rjómi frá Gott í matinn

1 poki Pizzaostur frá Gott í matinn

Fetakubbur ókryddaður frá Gott í matinn

Íslenskt smjör til steikingar

Sjávarsalt + pipar

Byrjið á því að stilla ofninn  á 200°C – blástur.

Skerið sætu kartöflurnar í tvennt þannig að þær séu ílangar.

Setjið bökunarpappír í ofnskúffu og leggið kartöflurnar niður (hýðið upp).

Penslið sætu kartöflurnar með ólífuolíu og stráið sjávarsalti yfir.

Setjið þær inn í ofn í 50. mínútur á meðan fyllingin er útbúin.

Skerið kjúklinginn í passlega stóra bita og steikið þar til hann hefur brúnast.

Skerið beikonið smátt og bætið saman við kjúklinginn.

Setjið saxaða sveppi og lauk út á pönnuna í lokin.

Kryddið til með salti og pipar.

Hellið 1 dl af rjóma út í fyllinguna.

Takið sætu kartöflurnar út úr ofninum og snúið þeim við.

Skafið innan úr sætu kartöflunum og setjið út í fyllinguna á pönnunni. Passið að skilja smá eftir í köntunum til þess að kartaflan rifni ekki og fyllingin leki ekki út fyrir.

Setjið núna fyllinguna ofan í hýðið og stráið muldum fetakubbi og pizzaosti yfir allt saman.

Bakið þetta áfram í ofninum þar til osturinn er orðinn fallega gylltur.

Fyrir matinn gerði ég beikonvafðar döðlur með rjómaosti. Það klikkar aldrei og seðjar mesta hungrið á meðan beðið er eftir matnum.

Ég mæli mikið með því að prófa! Eina sem þarf að gera er að vefja döðlunum inn í beikon og setja smá rjómaost á milli. Þetta er svo sett inn í ofn þar til beikonið er orðið stökkt. Tilvalið í matarboð og allskonar veislur!

Ég vona að þetta smakkist vel.

Viltu fylgjast með þessum bloggara?

Skráðu þig til að fá nýjustu færslurnar sendar!