Tinna Alavis
Mexíkósk kjúklingasúpa með sýrðum rjóma og nachos
28. febrúar 2017

Mexíkósk kjúklingasúpa með sýrðum rjóma og nachos

Þessi ljúffenga súpa er sérstaklega bragðmikil og hentar vel á virkum dögum jafnt og um helgar. Hún er einnig tilvalin í afmælisveislur í bland við kökur og heita rétti. Þá er sniðugt að elda hana daginn áður og hita upp daginn eftir.

Hérna er allt sem þarf:

Kjúklingalundir/bringur

1 rauðlaukur

5-6 hvítlauksrif

1 askja ferskir plómutómatar

Tómatsúpa með chilipipar (frá Sollu)

Whole Plum Peeled Tomatoes (frá Biona Organic)

2 grænmetisteningar

2 paprikur

300 ml vatn

300 ml rjómi

125 g rjómaostur

 

Krydd:

Chili Explosion, Salt, Pipar.

 

Meðlæti:

Sýrður rjómi, nachos (ég notaði svart Doritos), rifinn Mozzarella ostur.

Aðferð:

Steikið kjúklingalundir upp úr íslensku smjöri og kryddið vel með Chili Explosion, salti & pipar.

Þegar kjúklingurinn er steiktur í gegn er hann tekinn af pönnunni, skorinn í bita og settur til hliðar.

Takið fram pott og steikið rauðlaukinn þar til hann er farinn að mýkjast og bætið þá við hvítlauk og papriku.

Þegar grænmetið er búið að malla á vægum hita í u.þ.b. 5 mínútur er tómatsúpunni og niðursoðnu tómötunum frá Biona hellt út í pottinn ásamt einni öskju af ferskum tómötum og 300 ml af vatni.

Leyfið súpunni að malla á miðlungs hita í 4-5 mínútur og bætið þá við 125 g af rjómaosti og 300 ml af rjóma.

Hrærið í súpunni þar til rjómaosturinn hefur bráðnað og setjið steikta kjúklinginn út í súpuna. Leyfið súpunni að malla áfram í 15 mínútur þannig að rétt sjóði í henni.

Berið fram með sýrðum rjóma, nachos og rifnum Mozzarella osti.

Ég vona að þetta smakkist vel :)

Viltu fylgjast með þessum bloggara?

Skráðu þig til að fá nýjustu færslurnar sendar!