Tinna Alavis
Ljúffengur fiskréttur með rjómaosti og grænmeti
25. janúar 2016

Ljúffengur fiskréttur með rjómaosti og grænmeti

Þessi réttur er tilvalinn í miðri viku. Hann er sérstaklega bragðgóður, fljótlegur og stútfullur af góðri næringu fyrir börn og fullorðna.

Allt sem þú þarft er:

2 stk. ýsuflök
1 pakki sveppir
1 laukur
1/2 blaðlaukur
1 rauð paprika
3 gulrætur
1/2 dós ananaskurl og allur safinn
200 g rjómaostur frá Gott í matinn
400 ml. rjómi
3 tsk. karrý
2 tsk. fiskikrydd
1 msk. grænmetiskraftur
íslenskt smjör til steikingar
salt + pipar eftir smekk

Aðferð:

Byrjið á því að steikja laukinn og blaðlaukinn upp úr íslensku smjöri.

Bætið sveppum, papriku og gulrótum saman við og steikið áfram í stutta stund.

Þá er komið að því að hella hálfri dós af ananaskurli út á grænmetið, ásamt öllum safanum úr dósinni. 

Látið þetta malla í 2-3 mínútur og hellið þá rjómanum yfir, ásamt rjómaostinum.

Þegar rjómaosturinn hefur bráðnað og sósan orðin töluvert þykkari þá er grænmetiskrafturinn settur út í sósuna, fisknum raðað ofan á og hann kryddaður vel með salti, pipar, karrý og fiskikryddi.

Ég ýti fisknum aðeins ofan í sósuna og læt hann malla í 10 mínútur áður en ég ber réttinn fram.

Mér finnst nauðsynlegt að hafa hrísgjón og ristað brauð með.

Ég vona að þetta smakkist vel :)

Viltu fylgjast með þessum bloggara?

Skráðu þig til að fá nýjustu færslurnar sendar!