Kjúklinga fajitas með guacamole | gottimatinn.is
Tinna Alavis
Kjúklinga fajitas með guacamole
01. febrúar 2018

Kjúklinga fajitas með guacamole

Ég hef verið hrifin af fajita frá því ég heimsótti Cancun í Mexíkó fyrir nokkrum árum. Bragðmikill matur hefur alltaf heillað mig mikið og smakkast einfaldlega betur! Hérna er mín útfærsla af þessum mexíkósku vefjum.

Það sem þarf:

1 pakki kjúklingalundir

Tortilla

Rifinn mozzarella ostur frá Gott í matinn

Sýrður rjómi frá Gott í matinn

1 rauð papríka

1 gul papríka

1 laukur

Ólífuolía til steikingar

Fajita krydd í bréfi

Smá salt og cayenne pipar

 

Aðferð:

Steikið grænmetið þar til það hefur brúnast og setjið til hliðar. Steikið kjúklinginn upp úr ólífuolíu og kryddið með Fajita kryddi og smá cayan pipar. Brúnið kjúklinginn vel.

 

Hitið Tortilla í ofni skv. leiðbeiningum og fyllið þær með steiktum kjúklingi, grænmeti, guacamole, sýrðum rjóma og mozzarella osti.

 

Hægt er að kaupa tilbúið guacamole eða útbúa það sjálfur á einfaldan hátt.

 

Guacamole:

4-5 avocado (mjúk)

Ferskt kóríander (1/2 bolli)

½ rauðlaukur

1 hvítlauksrif

½ kreist Lime

Litlir tómatar

 

Allt sett saman í matvinnsluvél þar til hráefnin hafa blandast vel saman. Litlir tómatar eru saxaðir mjög smátt eftir á og hrært saman við.

Ég vona að þetta smakkist vel.

Viltu fylgjast með þessum bloggara?

Skráðu þig til að fá nýjustu færslurnar sendar!