Thelma Þorbergsdóttir
Kókos bollakökur
19. mars 2019

Kókos bollakökur

Kókóskökur

Um 12 stk.

Innihald

180 g sykur

60 g smjör við stofuhita

1 egg

2 tsk. vanilludropar

160 g hveiti

1 tsk. lyftiduft

¼ tsk. salt

1 ½ dl mjólk

40 g kókós

 

Aðferð

Hitið ofninn í 180 gráður og raðið bollakökuformum í bökunarmót og setjið á bökunarplötu.

Hrærið smjör og sykur saman þar til blandan verður ljós og létt.

Bætið eggi við og hrærið saman.

Blandið hveiti, kókós, lyftidufti og salti saman í skál og blandið því saman við deigið smávegis í einu ásamt mjólkinni.

Setjið vanilludropa saman við og hrærið þar til allt hefur blandast vel saman. Passið þó að hræra ekki of mikið svo kökurnar verði ekki of seigar.

Setjið deigið í bollakökuformin og bakið í 18-20 mínútur eða þar til tannstöngull kemur hreinn upp úr miðju kökunnar.

Kælið kökurnar alveg áður en þið setjið kremið á.

 

Súkkulaðikrem

Innihald

250 g smjör við stofuhita

500 g flórsykur

45 g dökkt kakó

50 ml rjómi frá Gott í matinn

¼ tsk. salt

2 tsk. vanilludropar

 

Toppur

Súkkulaðisíróp

kókós

 

 

Aðferð

Hrærið smjörið þar til það er orðið ljóst og létt.

Bætið flórsykri saman við smátt og smátt í einu.

Setjið rjóma, salt og vanilludropa saman við og hrærið þar til kremið hefur blandast vel saman og er orðið mjúkt og slétt.

Sprautið kreminu á hverja köku fyrir sig t.d. með sprautustút 1M.

Skreytið með súkkulaðisírópi og kókós.

Viltu fylgjast með þessum bloggara?

Skráðu þig til að fá nýjustu færslurnar sendar!