Thelma Þorbergsdóttir
Grísk jógúrt með berjum og tröllahöfrum og bananakaka með söltuðu karamellukremi og pekanhnetum
28. júlí 2016

Grísk jógúrt með berjum og tröllahöfrum og bananakaka með söltuðu karamellukremi og pekanhnetum

Grísk jógúrt með berjum

Snilldin ein í morgunmat!

 

Innihald

1 dós grísk jógúrt

50 g tröllahafrar

7 msk hlynsíróp

1 tsk kanill

Bláber um 125 g

Jarðarber um 150 g

Kókos

 

Aðferð

Setjið tröllahafra í skál ásamt sírópi og kanil og hrærið vel saman. Hrærið jógúrtina vel og setjið um 2 msk í hvert glas, setjið bláber og niðurskorin jarðarber á milli og aftur um 2 msk af jógúrt ofan á og svo aftur ber. Setjið því næst tröllahafra ofan á og stráið smá kókos á toppinn. Að sjálfsögðu má blanda þessu saman að vild og nota hvaða ber sem er. 

Ferskt og gott í bæði morgunmat eða léttan eftirrétt. Þetta bragðast jafn vel daginn eftir. Geymið í kæli. 

 

Bananakaka með söltuðu karamellukremi og pekanhnetum

 

Innihald

Bananakaka

220 g hveiti

30 g kókós

2 tsk lyftiduft

½ tsk matarsódi

½ tsk maldon salt

115 g smjör við stofuhita

85 g púðursykur

80 g sykur

2 egg

2 þroskaðir banana

30 ml sterkt kaffi

30 ml mjólk

1 tsk vanilludropar

 

Aðferð

Stillið ofninn í 180 gráðu hita og setjið smjörpappír í botninn á tveimur 20 cm hringlaga kökuformum. Blandið hveiti, kókós, lyftidufti, matarsóda og salti saman í skál og hrærið saman. Hrærið smjör og sykur saman þar til blandan verður ljós og létt. Bætið eggjum saman við einu í senn og hrærið á milli. Stappið bananana og setjið saman við ásamt kaffi, mjólk og vanilludropum. Því næst blandi þið hveitiblöndunni rólega saman við og hrærið þar til allt hefur náð að blandast vel saman og blandan er orðin slétt og fín. Skiptið deiginu jafnt á milli formanna tveggja og bakið í ca 25-30 mín. eða þar til tannstöngull kemur hreinn upp úr miðju kökunnar. Kælið botnana alveg áður en þið setjið kremið á.

 

Saltað karamellukrem

250 g smjör við stofuhita

1 pk flórsykur

2 tsk vanilludropar

1 dl (um100g) af karamellusósu (t.d. íssósu eða karamellusírópi)

1 tsk maldon sjávarsalt

 

Toppur

Pekanhnetur, saxaðar

Saltstangir

Karamellusíróp

Maldon sjávarsalt

 

Aðferð

Hrærið smjörið þar til það er orðið ljóst og létt. Blandið flórsykri rólega saman við og hrærið vel á milli. Setjið karamellusósuna saman við á samt saltinu og vanilludropum. Hrærið þar til kremið er orðið slétt og fínt. Setjið kremið á milli botnanna og utan um alla kökuna. Skreytið af vild. Saxið pekanhnetur og setjið ofan á toppinn á kökunni og raðið saltstöngum misháum í kringum kökuna. Ef þið viljið aðeins meiri karamellu þá er gott að setja smá karamellusíróp og salt ofan á toppinn.

Geymið kökuna í kæli þar til hún er borin fram. Gott er þó að taka hana út um 20 mín áður en hún er borin fram. 

 

 

Viltu fylgjast með þessum bloggara?

Skráðu þig til að fá nýjustu færslurnar sendar!