Hjördís Dögg Grímarsdóttir
Silkimjúk creme brulee skyrkaka
13. september 2017

Silkimjúk creme brulee skyrkaka

Það er fátt dásamlegra þegar gera á vel við sig en að skella í bragðgóða skyrköku sem slær í gegn í veislunni. Þessi skyrkaka er einföld í framkvæmd og nýtur bragðið af Creme brulee skyrinu sér vel ásamt bræddu rjómakúlunum. Rósamunstrið ofan á kökunni kemur skemmtilega á óvart ásamt kexmulningnum 

Silkimjúk Creme brulee skyrkaka

Uppskrift fyrir stórt eldfast mót:

 

Botn:

2 pk. karamelluhafrakex

150 g smjör – brætt

 

Fylling:

400 g rjómaostur

200 g flórsykur

2 tsk. vanilludropar

½ l rjómi – þeyttur

3 dósir Creme brulee skyr

 

Skreyting:

1 poki rjómakúlur

5 msk. rjómi

Kexmulingur

 

Aðferð:

   

1. Kexið er mulið í matvinnsluvél, brætt smjör sett saman við og blandan síðan sett í botn á eldföstu móti.  Gott að hafa smá brún. 

2. Rjóminn er þeyttur og settur til hliðar.

3. Rjómaostur, flórsykur og vanilludropar er þeytt saman.

  

4. Rjómanum blandað varlega saman við rjómaostablönduna ásamt skyrinu. 

 

5. Rjómakúlur eru bræddar yfir vatnsbaði ásamt rjómanum. Leyft að kólna örlítið.

6. Helmingi skyrblöndunnar er hellt yfir botninn. Gott að miða við að fyllingin fari ekki yfir brúnina á kexbotninum. 

7. Að lokum er rjómakúlubræðingurinn settur með hníf í sprautupoka. Það eru myndaðar rákir með rjómakúlubræðingnum í hliðum pokans.

8. Skyrfyllingin er sett í pokann og rósir sprautaðar með 1 M sprautustút. Það er gott ráð að leyfa skyrfyllingunni að bíða í smá tíma í kæli áður en hún er sett í sprautupokann. Þannig er auðveldara að mynda rósir.

9. Kex er mulið yfir kökuna.  

Njótið vel.
Kveðja, Hjördís

Viltu fylgjast með þessum bloggara?

Skráðu þig til að fá nýjustu færslurnar sendar!