Mexíkó kjúklingabrauðréttur | gottimatinn.is
Hjördís Dögg Grímarsdóttir
Mexíkó kjúklingabrauðréttur
20. október 2017

Mexíkó kjúklingabrauðréttur

Mexíkó kjúklingabrauðréttur

Brauðréttir hafa löngum notið mikilla vinsælda og er varla haldin sú veisla þar sem þeir eru ekki á boðstólum. 

 

Mín reynsla er sú að brauðréttirnir rjúka út í veislum og því gott að gera ráð fyrir því að vera með brauðrétt í 2 eldföstum mótum. 

 

Það er mjög gott að vita að hægt er að skera brauðteningana með nokkrum fyrirvara, setja í poka og geyma í frysti þar til brauðrétturinn er gerður klár. 

 

Fyllingin er bragðgóð en einnig hægt að leika sér með hana og breyta og bæta eftir þörfum. 

 

Uppskrift:

1 samlokubrauð – skorið í litla teninga

 

Fylling:

2 kjúklingabringur – skornar í litla bita

½ l matreiðslurjómi

1 dós paprikusmurostur

½ dós rjómaostur

1 stk mexíkóostur

kjúklingateningur

2 tsk karrí

Paprika

Laukur

1 dós tómatpúrra

Hvítlauksblanda eftir smekk

Rifinn mozzarella ostur

Doritos

 

Aðferð:

1. Skorpan er skorin af brauðinu. Brauðið síðan skorið í litla teninga. Brauðteningarnir eru svo settir í smurt eldfast mót. 

2. Kjúklingabringurnar eru skornar í litla bita og þeir síðan steiktir upp úr smjöri og hvítlauksblöndu. 

3. Paprika og laukur steikt upp úr smjöri, krydduð með hvítlauksblöndunni og sett í skál til hliðar.

4. Matreiðslurjómi, rjómaostur, paprikusmurostur, tómatpúrra og karrí er sett í pott og hitað þar til allt hefur blandast saman.

  

5. Mexíkóosturinn er skorinn smátt og settur saman við rjómafyllinguna.

6. Þegar osturinn hefur bráðnað er kjúklingnum, paprikunni og lauknum blandað saman við.

7. Rjómafyllingin er sett yfir brauðteningana og hrærð saman við.  

8. Rifnum mozzarella osti er sáldrað yfir brauðréttinn og hann hitaður við 180°C hita í um 25-30 mínútur. 

9. Þegar brauðrétturinn hefur hitnað í gegn og osturinn tekið smá lit er hann tekinn út úr ofninum og Doritos sáldrað yfir réttinn.  

Viltu fylgjast með þessum bloggara?

Skráðu þig til að fá nýjustu færslurnar sendar!