Hjördís Dögg Grímarsdóttir
Lagkaka í jólabúningi
12. desember 2018

Lagkaka í jólabúningi

Brún lagkaka í jólalegum búningi

Lagkökur eru svo sannarlega hluti af jólaundirbúningum og yndislegt að geta boðið upp á þannig köku í jólaboðum. Það er vel hægt að leika sér með lögun og bragð þó hið hefðbundna útlit standi alltaf fyrir sínu.

Uppskrift:

300 g smjör
500 g sykur
4 stk. egg
800 g hveiti
4 tsk. kanill
3 tsk. matarsódi
2 msk. kakó
4 tsk. negull

1 tsk. vanilludropar
500 ml Kókómjólk

Aðferð:

Þeytið smjör og sykur mjög vel saman. Bætið eggjunum saman við, einu og einu.

Blandið hveiti, kanil, matarsóda, kakó og negul saman við ásamt kókómjólk og vanilludropum. 

Smyrjið deiginu á fjórar bökunarplötur, klæddar bökunarpappír. Ég mæli með að deigið sem fer á hverja plötu sé vigtað.  Þannig verður jafnt á öllum plötunum. 

Bakið við 175° C í um 15-18 mínútur. Það þarf að passa að kökurnar bakist ekki of mikið.

Smjörkrem:

1 kg flórsykur
450 g smjör
3 stk. egg
3 tsk. vanilludropar
2-3 msk. rjómi frá Gott í matinni

Kókósbollur – koma vel út með kreminu. 

 

Aðferð:

Blandið öllum hráefnum saman í hrærivélaskál og þeytið vel saman. 

Ef ætlunin er að gera hefðbundna lagköku er smjörkremið sett á milli botnanna. Kakan er þá kæld og síðan skorin niður. 

Til að gera kökuna í laginu eins og jólatré þá er smjörkremið smurt á milli tveggja botna. Kakan þá kæld og síðan skorin niður í þríhyrninga. Hver þríhyrningur er skreyttur með smjörkremi sem litað er með grænum matarlit. Jólatrén eru skreytt með kökuskrautsperlum.  

Til að búa til lagköku með bingókúlusósu er smjörkremið smurt á milli tveggja botna. Kakan kæld og síðan skorin í ferninga (gott að mæla með málbandi þegar kakan er skorin til að kökurnar verði jafn stórar).  Bingókúlusósunni er hellt yfir hvern ferning og t.d. nammi sett ofan á hverja köku til að skreyta.   

Bingókúlusósa:

1 poki bingókúlur

100 g súkkulaði

50 ml rjómi frá Gott í matinn

 

Aðferð:

Setjið allt í skál yfir vatnsbaði. Hitið þar til allt hefur bráðnað. 

Njótið!

Viltu fylgjast með þessum bloggara?

Skráðu þig til að fá nýjustu færslurnar sendar!