Hjartalaga marengsterta | gottimatinn.is
Hjördís Dögg Grímarsdóttir
Hjartalaga marengsterta
13. febrúar 2018

Hjartalaga marengsterta

Sæt og dásamlega góð má segja um þessa fallegu hjartalaga marengstertu.  Það þarf ekki að setja allt á annan endann þegar kemur að því að gleðja þá sem maður elskar.  Þessi marengsterta er snilld því hún er einföld og virkilega bragðgóð.

Hjartalaga marengsterta með marsfyllingu

Uppskrift:

(Þrír botnar)

10 stk. eggjahvítur

500 g sykur

2 tsk. lyftiduft

Bleikur og rauður matarlitur

 

Fylling:

½ l rjómi frá Gott í matinn

2-3 stk. mars – brytjuð

10 jarðarber

Jarðarberjasulta

 

Aðferð:

Eggjahvíturnar eru þeyttar og sykrinum síðan blandað saman við þar til blandan er stífþeytt. 

Lyftiduftið er sett varlega saman við.

Marengsblandan er sett í fjórar skálar og matarlitur eftir smekk hvers og eins settur saman við blönduna.  Passa að hræra matarlitnum varlega saman við. 

Marengsblöndurnar eru settar í sprautupoka með mismunandi sprautustútum (tillaga 1 M, rúnaður og franskur stjörnustútur).

Þrjú hjörtu eru mótuð á bökunarpappír og marengsblöndunni sprautað í formið.  Gott að byrja á einum lit og setja hér og þar á formið. Taka síðan næsta lit og gera hið sama þar til allur flöturinn er þakinn blöndunni. 

Bakað í 1 klst. og 30 mínútur við 125°C hita (blástur)

Fyllingin er búin til með því að þeyta rjómann, brytja mars og setja saman við ásamt sultu.  Rjómafyllingin er sett á neðsta botninn, annar botn þar yfir, aftur rjómablanda og síðan er efsti botninn settur yfir.  Jarðarber eru skorin í sneiðar og settar á milli. 

Njótið þess að vera til, bakið þessa yndislegu marengstertu og gleðjið ástvini.  

Viltu fylgjast með þessum bloggara?

Skráðu þig til að fá nýjustu færslurnar sendar!