Hjördís Dögg Grímarsdóttir
Einfaldur brauðréttur með parmaskinku og ostafyllingu
23. október 2018

Einfaldur brauðréttur með parmaskinku og ostafyllingu

Brauðréttir spila stórt hlutverk í mörgum boðum og veislum. Það er því um að gera að skella í einn einfaldan og prófa sig áfram. Þessi brauðréttur er öðruvísi, bragðgóður og kemur virkilega á óvart. Dásamlegur með rifsberjasultu og vínberjum. 

Uppskrift:

Baguette brauð eða annað sambærilegt brauð

 

Fylling:

Smurostur með beikoni frá MS

Rautt pestó

Óðals Maribo í sneiðum

Dala hringur

Parmaskinka

Rifinn Mozzarella ostur frá Gott í matinn

Hvítlaukskryddblanda

 

Aðferð:

Skerið litlar rifur í baguette brauðið og gætið þess að skera ekki alveg í gegnum það.

Hver brauðrifa er smurð með beikon smurorsti og pestó. 

Maribo osturinn er skorinn í tvennt, osturinn settur ofan á parmaskinkuna ásamt lítilli sneið af Dala hring. Skinkan er svo brotin saman og sett í hverja brauðrifu.

Dreifið rifnum mozzarella osti er yfir brauðið ásamt hvítlaukskryddblöndu. 

Hitið brauðið við 175°C gráður í um 10 mínútur. 

Dásamlega gott með rifsberjasultu og vínberjum. 

Viltu fylgjast með þessum bloggara?

Skráðu þig til að fá nýjustu færslurnar sendar!