Helena Gunnarsdóttir
Spínatídýfa með Óðalsosti
25. janúar 2019

Spínatídýfa með Óðalsosti

Innihald:

200 g ferskt spínat (einn stór poki)

1 krukka grillaðir ætiþistlar í olíu

1 lítill laukur

250 g hreinn rjómaostur frá Gott í matinn

1 lítil dós Kotasæla

2 msk. majónes

2 dl rifinn parmesan ostur

3 dl rifinn bragðmikill ostur, t.d. Óðalsostur, Óðals Ísbúi eða Óðals Tindur

¼ tsk. múskat

2 tsk. grænmetiskraftur eða ½ grænmetisteningur mulinn niður

Salt og pipar eftir smekk

 

Steikið spínatið upp úr smá olíu á pönnu þar til það er allt orðið mjúkt. Setjið á disk með eldhúspappír, leyfið að kólna aðeins og þerrið. Hellið olíunni af ætiþistlunum og saxið smátt. Saxið laukinn einnig smátt. Blandið öllu vel saman í skál, en geymið um það bil 1 dl af osti til að dreifa yfir í lokin. Bætið spínatinu saman við. Dreifið að lokum aðeins meira af rifnum osti yfir og setjið í eldfast mót og bakið við 200 gráður í 20 mínútur. Berið fram heitt eða volgt með baguette brauði, snakki, kexi eða niðurskornu grænmeti.

* Ídýfuna má líka nota sem ljúffengan kjúklingarétt, þá eru t.d. kjúklingabringur skornar í tvennt, lagðar í eldfast mót, kaldri ídýfunni dreift yfir og svo bakað þar til kjúklingurinn er eldaður í gegn, 30-40 mínútur á 180 gráður.

Viltu fylgjast með þessum bloggara?

Skráðu þig til að fá nýjustu færslurnar sendar!