Helena Gunnarsdóttir
Quesadilla með Dala Brie, vorlauk og vínberjum
03. apríl 2019

Quesadilla með Dala Brie, vorlauk og vínberjum

Hér er á ferðinni svona “slá í gegn” samsetning sem allir vilja uppskriftina að. Mjúkur osturinn, sæt og stökk vínber og ferskur vorlaukur einfaldlega smellpassar saman! 

Frábær smáréttur með köldum drykk eða á veisluborðið. Hentar fyrir 4 sem smáréttur.

 
Quesadilla með Dala Brie, vorlauk og vínberjum
 

4 meðalstórar hveiti tortillakökur
1 Dala Brie
Nokkur rauð vínber, skorin í tvennt
2-3 vorlaukar, smátt saxaðir
2 msk. smjör
 

1. Skerið ostinn í sneiðar þvert á stykkið þannig að þið fáið langar og frekar þunnar sneiðar. Skerið vínberin í tvennt og vorlaukinn smátt.

2. Raðið ostasneiðunum yfir tvær tortillakökur. Dreifið vínberjum jafnt yfir ásamt vel af vorlauk. Leggið aðra tortillaköku ofan á.

3. Hitið pönnu á meðal-háum hita og bræðið 1 msk af smjöri.

4. Steikið fyllta tortillakökuna í u.þ.b. 1 mínútu á hvorri hlið eða þar til osturinn bráðnar og kökurnar eru stökkar og gullinbrúnar. Gott er að nota stóran spaða til að snúa kökunni við eða leggja disk ofan á og hvolfa pönnunni.

5. Bræðið meira smjör og endurtakið með seinni kökuna. Skerið í sneiðar og berið fram volgt eða við stofuhita.

 
 

Viltu fylgjast með þessum bloggara?

Skráðu þig til að fá nýjustu færslurnar sendar!