Helena Gunnarsdóttir
Piparkökukúlur
12. desember 2017

Piparkökukúlur

Þessar dásamlega góðu kúlur, sem minna helst á gömlu góðu kókoskúlurnar hafa slegið í gegn á heimilinu núna fyrir jólin. Ótrúlega skemmtileg tilbreyting og bragðið er eins og af piparkökudeigi. Uppskriftin er sáraeinföld og upplagt að leyfa krökkum útbúa þessar gómsætu jólakúlur. Ég velti kúlunum upp úr hvítum skrautsykri en þá má líka alveg notast við kókosmjöl eða til dæmis perlusykur.

 

225 g mjúkt smjör

2 dl sykur

7 dl fínvalsaðir hafrar

½ tsk. sjávarsalt

1 tsk. vanillusykur

2 tsk. kanill

2 tsk. kakó

1 tsk. engiferduft

1/2 tsk. negull

2 msk. vatn

 

Aðferð: Þeytið saman smjör og sykur. Bætið restinni af hráefnunum saman við og hrærið vel saman. Mótið litlar kúlur úr deiginu og veltið upp úr skrautsykri eða kókosmjöli. Geymið í lokuðu íláti í kæli. 

Viltu fylgjast með þessum bloggara?

Skráðu þig til að fá nýjustu færslurnar sendar!