Helena Gunnarsdóttir
Ostafylltir Tex Mex borgarar og Twix rjómaís
19. apríl 2016

Ostafylltir Tex Mex borgarar og Twix rjómaís

Ostafylltir Tex Mex borgarar með jalapeno-osti og ferski salsasósu
- uppskrift fyrir fjóra

500-600 g hreint ungnautahakk

1 msk ólífuolía

1 msk worchestersósa

½ stk jalapeno ostur

4 msk rifinn ostur

Salt og pipar

 

Aðferð:

Blandið worchester og ólífuolíu vel saman við hakkið. Skiptið blöndunni jafnt niður í 4 hluta. Takið hvern hluta og skiptið svo í tvennt. Leggið þykka sneið af jalapeno ostinum á hakkið og leggið svo annan hakk hluta ofan á, fletjið út og mótið í hamborgara þannig að osturinn sé í miðjunni á hverjum borgara. Kryddið vel með salti og pipar og grillið á vel heitu grilli þar til eldaðir í gegn. Stráið rifnum osti ofan á hvern borgara rétt áður en þið takið þá af grillinu og leyfið aðeins að bráðna.

Fersk salsasósa:

6 vel þroskaðir eldrauðir tómatar

1 lítill rauðlaukur, skorinn smátt

1 hvítlauksrif, rifið eða smátt saxað

1 lítill grænn chillipipar (meira eða minna eftir smekk)

Góð handfylli ferskt kóríander

Safi úr einni límónu

1 tsk sjávarsalt

 

Aðferð:

Allt sett í matvinnsluvél eða blandara og blandað/púlsað þannig að útkoman verði frekar gróf salsasósa. Ekki mauka of lengi. Smakkið til með salti og sigtið aðeins af vökvanum frá áður en salsasósan er borin fram. Geymist í ísskáp í 2-3 daga.

 

E.s. Ef þið eigið ekki matvinnsluvél eða blandara er líka hægt að skera allt hráefnið frekar smátt með hníf og blanda saman, geri það stundum þegar ég nenni ekki vélaveseninu. Það er alveg jafn gott!

 

Berið hamborgana fram með hamborgarabrauðum, salsasósunni, tortilla flögum, sýrðum rjóma, lauksneiðum, salati, avocado og tómatsneiðum.

 

Twix rjómaís

 

5 dl rjómi

1 dós sweetened condenced milk (fæst t.d. búðum sem selja austurlenskar vörur)

4 pakkar Twix súkkulaðistykki (og meira ofan á)

2 tsk vanilluextract

 

Aðferð:

Þeytið rjómann þar til mjúkir toppar myndast, ekki stífþeyta. Blandið sweetened condenced milk saman við ásamt vanillu og smátt söxuðu Twix súkkulaði. Blandið vel saman, hellið í form og frystið í 6-8 tíma.

Viltu fylgjast með þessum bloggara?

Skráðu þig til að fá nýjustu færslurnar sendar!