Helena Gunnarsdóttir
Frönsk súkkulaðimús
17. mars 2016

Frönsk súkkulaðimús

Þessi uppskrift hefur fylgt mér lengi. Ég fann uppskriftina fyrir löngu á franskri heimasíðu og notaði google translate mér til aðstoðar við þýðinguna. Frakkar kunna svo sannarlega að gera alvöru súkkulaði eftirrétti. Ótrúlega ljúffeng og sannarlega sparileg súkkulaðimús með miklu súkkulaðibragði. Þessa er nauðsynlegt að bera fram með nóg af þeyttum rjóma!

Frönsk súkkulaðimús

 

240 g dökkt súkkulaði (ég nota 56%)

60 g ósaltað smjör

¼ tsk gott sjávarsalt

4 eggjarauður

6 eggjahvítur

3 msk sykur

 

Aðferð:
Bræðið súkkulaðið, smjörið og saltið saman við vægan hita. Kælið aðeins og hrærið eggjarauðunum svo saman við. Þeytið eggjahvíturnar ásamt sykrinum þar til stífþeytt. Bætið ¼ af þeyttu eggjahvítunum saman við súkkulaðiðblönduna og pískið vel saman við. Bætið svo restinni af eggjahvítunum út í og hrærið varlega saman við súkkulaðið með sleikju. Setjið í lítil glös eða eina stóra skál og kælið í a.m.k. 2 klst. Best er að gera músina um morgun ef það á að bera hana fram að kvöldi, enn betra að gera hana daginn áður. Berið músina fram með þeyttum rjóma og skreytið t.d. með litlum páskaeggjum eða berjum og rifnu súkkulaði. Njótið!

 
   

 

Viltu fylgjast með þessum bloggara?

Skráðu þig til að fá nýjustu færslurnar sendar!