Helena Gunnarsdóttir
Fljótlegt spínatlasanja
05. janúar 2016

Fljótlegt spínatlasanja

Innihald

1 laukur, skorinn smátt

2 hvítlauksrif, hökkuð

2 msk smjör

Salt, pipar og hálfur kjúklinga- eða grænmetisteningur

1 stór poki af spínati (4-5 lúkur)

1 stór dós kotasæla (500 g)

1 dós sýrður rjómi 18% (180 g)

¼ tsk múskat

3 msk rifinn parmesan ostur

500 g hakkaðir tómatar í dós eða krukku eða tilbúin pastasósa

Lasanjaplötur, þurrkaðar eða ferskar

1 poki rifinn pizzaostur

 

Aðferð:

  1. Ofn hitaður í 170 gráður með blæstri, annars 180 gráður. Laukur og hvítlaukur steiktur upp úr smjörinu við frekar vægan hita þar til mýkist, saltað og piprað og teningurinn mulinn yfir.
  2. Hitinn hækkaður aðeins og spínatinu bætt á pönnuna. Steikið spínatið þar til það hefur linast.
  3. Takið pönnuna af hitanum og bætið kotasælu, parmesan og sýrðum rjóma saman við. Kryddið með múskati, salti og pipar eftir smekk.
  4. Lasanjað er svo sett saman þannig að neðst í eldfast mót fer smá tómatmauk. Svo koma lasanjaplötur, spínatblanda, tómatamauk. Endurtakið þetta þrisvar, endið á spínatblöndu og tómatamauki.
  5. Stráið osti yfir allt saman og bakið í 30 mínútur eða þar til lasanjaplöturnar eru eldaðar í gegn. Gott er að láta lasanjað standa í 10 mínútur áður en það er borið fram.

 

 

Viltu fylgjast með þessum bloggara?

Skráðu þig til að fá nýjustu færslurnar sendar!