Helena Gunnarsdóttir
Draumkennd karamellu ostakaka með oreo botni
18. ágúst 2016

Draumkennd karamellu ostakaka með oreo botni

Að þessu sinni er komið að draumkenndri karamellu ostaköku. Að venju eru hráefnin einföld og auðvelt að nálgast en bragðið ætti hvorki að svíkja ostaköku-, eða karamellu aðdáendur. Sannarlega sparileg terta sem ávallt slær í gegn.

Draumkennd karamellu ostakaka með oreo botni

24 stk oreo kexkökur (2 sívalnings pakkar)

75 g smjör, brætt

400 g rjómaostur til matargerðar frá Gott í matinn, við stofuhita

2 msk flórsykur

2 tsk vanilluextract

250 ml rjómi

250 ml mjólk

1 pakki karamellubúðingsduft

2-3 msk karamellusósa

 

Ofaná:

250 ml rjómi, þeyttur

Karamellusósa

Aðferð:

Myljið kexið í fína mylsnu, blandið saman við brætt smjörið og þjappið í botn á bökuformi. Kælið. Þeytið rjómaostinn, sykurinn og vanillu vel saman. Þeytið rjómann og blandið varlega saman við rjómaostinn. Þeytið saman búðingsdufti og 250 ml af mjólk og blandið svo saman við rjómaostablönduna. Hellið þessu yfir kældan kexbotninn, hellið karamellusósu yfir og dragið aðeins í gegnum ostablönduna með enda á skeið til að fá einskonar marmaraáferð og kælið í a.m.k. 2 klst eða yfir nótt. Áður en borið fram, þeytið rjóma og setjið ofan á, skreytið með karamellusósu.

 

Ath.

  • Það er mjög gott að leggja bananasneiðar ofan á kexbotninn áður en rjómaostablandan er sett ofan á.
  • Ég nota tilbúna karamellusósu í þessa uppskrift. Hins vegar er lítið mál að nota heimalagaða karamellusósu vilji maður það frekar.

 

Viltu fylgjast með þessum bloggara?

Skráðu þig til að fá nýjustu færslurnar sendar!