Halla Bára og Gunnar
Eplakaka með hollum toppi
24. nóvember 2016

Eplakaka með hollum toppi

Mér finnst alveg fullt tilefni til þess í vikunni að skella í eina góða köku eins og þessa. Allir eiga það skilið. Hér er um að ræða gott hráefni, ávexti, hafra og miklu meira hollt og sykurmagni getur bakarinn algjörlega stjórnað sjálfur. 

Eplakaka með hollum toppi

 

Ávextir að eigin vali eru bakaðir í ofni, hér notuð epli. 

Ofan á fer þurrt og mulið deig með hnetum og fræjum. 

 

Ávextir: 

epli, perur, ber

hrásykur

þurrkað engifer, kanill

 

Hitið ofn í 200 gráður. Skerið epli eða perur í báta. Stráið sykri yfir eftir smekk, engiferi og kanil ef þið viljið. Stingið í ofn í 20 mínútur og mýkið. 

 

Deig:

2 dl spelt

1½ dl möndlur eða hnetur að eigin vali, maukað gróft í matvinnsluvél

1 dl haframjöl

1½ dl kókosmjöl eða -flögur, sólblóma-, sesam-, hör- eða birkifræ

½ tsk sjávarsalt

75 g smjör eða mjúk kókosolía

 

Hrærið allt hráefnið saman og úr verður mylsna. Kælið aðeins í ísskáp. 

Setjið ávexti eða ber í form. Myljið deigið yfir. Bakið við 200 gráður í 15–20 mínútur. Berið fram heitt, ekki slæmt þegar kólnar. Gott með rjóma, sýrðum rjóma og grískri jógúrt. 

 

Viltu fylgjast með þessum bloggara?

Skráðu þig til að fá nýjustu færslurnar sendar!