Eggjakaka með brauði og osti | gottimatinn.is
Halla Bára og Gunnar
Eggjakaka með brauði og osti
14. mars 2018

Eggjakaka með brauði og osti

Þetta er líklega einn af þeim réttum sem getur talist máltíð og réttur við öll heimsins tilefni. Hversdag, sem brunch, á hlaðborð... Huggulegt á borð og gaman að snæða. Hægt að gera að óskum hvers og eins og allir ánægðir!

Uppskriftin er miðuð við einn.

 

1 brauðsneið á mann, í lítið form, skorpan skorin af

Mjúkt smjör

2 egg á mann

½ dl mjólk

½ dl rjómi

Salt og svartur pipar

 

*rifinn ostur, ostur skorinn í teninga algjörlega að eigin vali – Rifinn ostur eða teningar að eigin vali, Dala Camembert, Bóndabrie, Piparostur, Fetaostur...

 

*grænmeti að eigin vali, soðið brokkolí eða ferskur aspas er mjög gott

 

*að sjálfsögðu má setja skinku eða annað kjötálegg með í eggjakökuna

 

 

Hitið ofn í 160 gráður. Finnið form eða lága skál sem má fara í ofn. Smyrjið að innan með smjöri. Smyrjið brauðsneiðina báðum megin. Þrýstið brauðinu lauslega ofan í skálina. Stingið í heitan ofn í 10 mínútur svo brauðið verði svolítið stökkt.

 

Takið soðið grænmeti og leggið í brauðskálina. Þá má strá ostabitum yfir, sbr. fetaosti.

 

Hrærið saman egg, mjólk og rjóma. Saltið og piprið. Hrærið vel saman þar til létt og freyðandi. Setjið rifinn ost saman við sem og allan þann ost sem þið viljið. Hellið í brauðskálina.

 

Stingið í heitan ofninn og bakið í um 20 mínútur. Að sjálfsögðu fer eldunartíminn eftir stærð eggjakökunnar.

Viltu fylgjast með þessum bloggara?

Skráðu þig til að fá nýjustu færslurnar sendar!