Halla Bára og Gunnar
Bolognese
03. febrúar 2015

Bolognese

Einn allra besti maturinn – „ever”. Ætli flestum þyki ekki vandlega elduð og hjartnæm bolognese-sósa góð? Þessi er eins og Gunnar gerir hana á okkar heimili og hann gerir þá bestu þessi elska! Svona matarmikil og rík kjötsósa hentar líka frábærlega í lasanja og cannelloni. Eins og með svo margt, þá skiptir eldunartíminn miklu máli og því lengur sem hún fær að malla því betri er hún. Þegar við eldum bolognese þá leyfum við henni að vera á eldavélinni á vægum hita í 3 til 5 klukkustundir og við eldum alltaf vænan skammt til að eiga afganga og frysta, einmitt til að geta gripið í og gert lasagna með stuttum fyrirvara. Svo sannarlega matur sem hæfir árstímanum.

Bolognese

5 msk ólífuolía

2 laukar, smátt skornir

2 sellerístilkar, smátt skornir

4 gulrætur, smátt skornar

10 beikonsneiðar, smátt skornar

600 g nautahakk

400 g svínahakk

2 msk tómatkraftur

3 dósir niðursoðnir tómatar

salt og chillípipar, í duftformi

hnefi basilíka, söxuð

 

Mýkið lauk, sellerí og gulrætur í stórum potti í olíu og við meðalhita þar til vel mjúkt.

Setjið hakkið og beikonið saman við grænmetið og hrærið vel saman. Hrærið tómatpúrruna saman við og hellið niðursoðnu tómötunum út í. Saltið örlítið og piprið með chillí og látið kjötsósuna malla sem lengst! Basilíkan fer út í þegar vel er liðið á eldunina. Best er að láta kássuna malla á vægum hita í 3-5 klukkutíma og leyfa henni svo að standa aðeins áður en hún er borin fram. Mörgum þykir hún betri daginn eftir. Smakkið sósuna til með salti og smá chillípipar. Berið fram með spagettíi og parmesanosti. 

Viltu fylgjast með þessum bloggara?

Skráðu þig til að fá nýjustu færslurnar sendar!