Hafdís Priscilla Magnúsdóttir
Sykurlausar rúllutertur
23. ágúst 2017

Sykurlausar rúllutertur

Nú fer að styttast í að sumarið hverfi frá okkur en það er alltaf hægt að útbúa eitthvað sumarlegt til að gæða sér á þó svo að sólin sé ekki að skína sínu skærasta.

Hér eru tvær uppskriftir að rúllutertum.

Vanillu rúlluterta með hindberjakremi

Botn

3 egg, aðskilja eggjahvítur og rauður

100 g rjómaostur

2 msk. 18% sýrður rjómi frá Gott í matinn

1 tsk. vínsteinslyftiduft eða venjulegt

1,5 stk. vanillustöng

30 g sukrin melis eða flórsykur ef þið eruð ekki að reyna að draga úr sykri

 

Aðferð:

Stífþeytið eggjahvítur með lyftiduftinu og setjið til hliðar.

Rjómaostur, eggjarauður, sýrður rjómi, sukrin melis og fræ úr vanillustöng þeytt vel saman.

Bætið eggjahvítum við með sleif og blandið vel en varlega.

 

Notið smjörpappír eða bökunarpappír sem búið er að smyrja með olíu (ég notaði avocado olíu) og fyllir heila ofnskúffu. Dreifið sukrin yfir pappírinn og setjið svo deigið.

Bakið við 175 gráður í um 9-12 mínútur eða þar til gyllt.

 

Krem

50 g rjómaostur

1 bolli frosin hindber

40 g sukrin melis

150 ml rjómi

 

Þeytið saman rjómaost og sukrin melis.

Maukið berin þegar þau eru hálfþiðnuð eða alveg þiðin og sigtið fræin frá. Bætið við skálina og þeytið saman. Í lokin er rjóma bætt út í og þeytt saman þar til kremið verður stíft.

Dreifið kreminu á tertubotninn þegar hann er orðinn kaldur og rúllið honum upp. Gott er að nota pappírinn til að hjálpa sér að rúlla upp.

Stráið sukrin yfir tertuna.

 

Sítrónu rúlluterta.

 

Botn

3 egg, aðskilja eggjahvítur og rauður

120 g rjómaostur til matargerðar frá Gott í matinn

1 tsk. vínsteinslyftiduft eða venjulegt

1,5 vanillustöng

Börkur af einni stórri sítrónu

30 g sukrin melis eða flórsykur ef þið eruð ekki að reyna að draga úr sykri

 

Aðferð

Stífþeytið eggjahvítur með lyftiduftinu og setjið til hliðar.

Rjómaostur, eggjarauður, sukrin melis, sítrónubörkur og fræ úr vanillustöng þeytt vel saman.

Bætið eggjahvítum við með sleif og blandið vel en varlega.

 

Notið smjörpappír eða bökunarpappír sem búið er að smyrja með olíu (ég notaði avocado olíu) og fyllir heila ofnskúffu. Dreifið sukrin yfir pappírinn og setjið svo deigið.

Bakið við 175 gráður í um 9-12 mínútur eða þar til gyllt

 

Krem

70 g rjómaostur til matargerðar frá Gott í matinn

Safi úr einni stórri sítrónu

40 g sukrin melis

150 ml rjómi

 

Þeytið saman rjómaost og sukrin melis.

Bætið við safa úr sítrónu.

Í lokin er rjóma bætt út í og þeytt saman þar til kremið verður stíft.

Dreifið kreminu á tertubotninn þegar hann er orðinn kaldur og rúllið honum upp. Gott er að nota pappírinn til að hjálpa sér að rúlla upp.

Stráið sukrin yfir tertuna.

Viltu fylgjast með þessum bloggara?

Skráðu þig til að fá nýjustu færslurnar sendar!