Hafdís Priscilla Magnúsdóttir
Páskakaka
22. mars 2018

Páskakaka

Þessi köku geri ég reglulega og finnst hún alltaf jafn góð. Hinsvegar finnst mér hún alltaf eiga vel við í kringum páskana.

Botnarnir eru dáldið grófir í útliti en flauelsmjúka og gula kremið bætir það upp.

Ekki er verra ef maður er með fersk ber og ískalda mjólk í glasi með kökunni, allavega elska börnin mín það :)

Botn:

5 dl möndlumjöl

6 eggjahvítur

1-2 msk. Sukrin eða önnur sæta.

 

Þeyta eggjahvítur þar til stífar. Bæta við Sukrin og í lokin blanda möndlumjöli varlega við.

Skipt í tvennt og sett á bökunarpappír og búið til hringbotn sem er um 20 cm í þvermáli.

Bakað við 150 gráður í 18-20 mínútur.

 

Krem

6 eggjarauður

1,5 dl rjómi frá Gott í matinn

50 g Sukrin eða önnur sæta

150 g smjör

Nokkrir dropar af vanilludropum (valfrjálst)

 

Rjómi, rauður og sykur sett í pott og hrært í við meðal hita.

Þegar þykkir í þá er tekið af hitanum og smjör bætt við.

Passa að hræra allan tímann í pottinum.

Sett í kæli í að minnsta kosti tvo tíma til að þykkja kremið.

Setjið 1/3 af kreminu á milli botnanna og restina yfir.

Stráið kókosmjöli yfir.

Berið fram með þeyttum rjóma.

Viltu fylgjast með þessum bloggara?

Skráðu þig til að fá nýjustu færslurnar sendar!