Hafdís Priscilla Magnúsdóttir
Kínóasalat
25. janúar 2017

Kínóasalat

Ég reyni að útbúa mér nesti og taka með í vinnuna. Það koma tímabil sem ég lifi á matnum í matsalnum á Hringbraut. Versta við það er að ég veit ekki hvaða hráefni eru notuð og hvað ég er að setja ofan í mig. Og ekki má gleyma að upphæðin sem er dregin af mér um hver mánaðarmót er fljót að hækka.

Því finnst mér best að útbúa nesti og mér finnst gaman að útbúa eitthvað nýtt með því sem til er heima.

Þetta hentar kannski ekki þeim sem eru mjög strangir á kolvetnin né fyrir þá sem eru með glútenóþol en fyrir okkur sem leyfum okkur góð kolvetni og þolum glútenið þá gerist þetta varla hollara :)

Kínóasalat

1 bolli kínóa ósoðið

1 stór laukur

150-200 g sætar kartöflur

100 g fetaostur (fetakubbur frá Gott í matinn)

 

Setjið tvo bolla af vatni í pott og látið koma upp suðu. Bætið við kínóa ofan í og látið malla á meðalhita. Í raun er þetta eins og að sjóða hrísgrjón. Sigtið og látið kólna.

Skerið sætar kartöflur í bita og sjóðið þar til tilbúnar. Mér finnst best að gufusjóða.

Skerið lauk í þunnar sneiðar. Setjið olíu á pönnu og látið hitna. Steikið laukinn þar til orðinn gylltur.

Blandið öllu saman og bætið svo rifnum fetaosti út í. Ég nota hreinan fetaost frá MS Gott í matinn.

Skreytið svo með smá steinselju.

Viltu fylgjast með þessum bloggara?

Skráðu þig til að fá nýjustu færslurnar sendar!