Gígja S. Guðjóns
Toblerone súkkulaðiterta
04. október 2017

Toblerone súkkulaðiterta

Þessi terta er algjör "BOBA". Æðislega góðir og mjúkir botnarnir með Toblerone smjörkremi sem bráðnar upp í manni. Þessa tertu gerði ég fyrir 50 ára afmæli stjúpmóður minnar og hún sló rækilega í gegn.

Uppskriftin sem ég gef ykkur af botnunum er uppskrift af tveimur botnum. Svo getið þið gert eina og hálfa og tvöfalda eftir því sem tilefnið er. Ég gerði eina og hálfa uppskrift þar sem ég vildi hafa kökuna aðeins stærri.

Toblerone súkkulaðiterta

Innihald 2 botnar:

2 bollar sykur

1 3/4 bolli hveiti

3/4 bolli kakó

1 1/2 tsk. lyftiduft

1 1/2 tsk. matarsódi

1 tsk. salt

2 egg

1 bolli mjólk

1/2 bolli matarolía / ekki nota ólífuolíu

1 msk. vanilludropar

1 bolli sjóðandi vatn

 

Ofninn er hitaður í 180 gráður

 

Aðferð:


Öllum þurrefnunum er blandað saman í hrærivélarskál, næst fer mjólkin, eggin, olía og vanilludroparnir og hrært vel. Í lokin er sjóðandi vatninu brætt saman við og hrært varlega.

Deigið er sett í tvö vel smurð form og inn í ofn í 25-30 mínútur.

Þegar botnarnir koma út er gott að láta þá standa í formunum í 20 mínútur áður en kakan er tekin úr og hún látin kólna alveg áður en kremið er sett á.

 

Toblerone smjörkrem:

500 g smjör við stofuhita

1 msk. mjólk

1 msk. vanilludropar

1 tsk. salt

750 g flórsykur

150 g Toblerone

 

100 g Toblerone til skrauts

 

Aðferð:

Smjörið, flórsykri, salti, vanilludropum og mjólk er hrært saman í hrærivélinni þar til kremið er orðið mjúkt og kekkjalaust.

Toblerone súkkulaðið er brætt yfir vatnsbaði eða í örbylgjuofni. Súkkulaðið á ekki að sjóða bara rétt að bráðna og því er síðan hellt út í kremið og þeytt vel.

Kremið er borið á kökuna en ég nota sprautupoka svo að kremið verði jafnara milli botnanna.

Kökuna er hægt að skreyta að vild með mulnu Toblerone og hægt að leika sér með kremið.

Njótið vel :)

 

Fleiri uppskriftir eftir mig er hægt að finna á www.gigjas.com og www.facebook.com/gigjas

Viltu fylgjast með þessum bloggara?

Skráðu þig til að fá nýjustu færslurnar sendar!