Gígja S. Guðjóns
Skinkuhorn fyrir skíðaferðina
26. febrúar 2016

Skinkuhorn fyrir skíðaferðina

Ég ákvað að skella í skinkuhorn í tilefni þess að við erum á leiðinni til Akureyrar á skíði. Þau eru bæði svo fín í bílanesti og í fjallið. Skinkuhornin eru góð við öll tækifæri þar sem ungir sem aldnir eru sólgnir í þetta.

Skinkuhorn

Einföld uppskrift gerir 24 skinkuhorn.

 

Innihald:

400 gr hveiti

3 dl volgt vatn

1 poki þurrger 11,8 gr

1 tsk salt

1 msk sykur

100 g smjör við stofuhita

Fylling:

Í fyllinguna fer 250 g skinku og beikon smurostur, rifinn pizza ostur og 200 g skinka

 

Toppur:

Egg

Rifinn pizza ostur

 

Aðferð:

Hitið ofninn í 220°C

 

1. Gerið er leyst upp í volgu vatni.

2. Skinkan er skorin í litla teninga og henni hrært saman við smurostinn.

3. Þurrefnunum er blandað saman í skál.

4. Blandið saman smjörinu, þurrefnunum og í lokin vatninu með gerinu.

5. Deigið er hnoðað vel og skorið í 3 jafna bita.

6. Hver biti fyrir sig er flettur út í hring og skorin í 8 jafna bita, gott er að nota pizzuskera.

 

7. Skinkublandan ásamt pizza ost er sett á feita endann og rúllað upp frá þeim enda og lokað á hliðunum.

8. Þegar búið er að rúlla öllum upp er þeim leyft að standa í 20-30 mínútur og næst pensluð með hrærðu eggi og pizza ost ef þið eigið afgang.

9. Bökuð í 10 mínútur.

10. Það á til að leka úr skinkuhornunum, það er ekkert mál að taka teskeið og stinga ostinum aftur inn á meðan skinkuhornin eru volg.

 

Njótið vel :)

 

Viltu fylgjast með þessum bloggara?

Skráðu þig til að fá nýjustu færslurnar sendar!