Rjómalöguð brokkolísúpa með rifnum osti | gottimatinn.is
Gígja S. Guðjóns
Rjómalöguð brokkolísúpa með rifnum osti
08. september 2017

Rjómalöguð brokkolísúpa með rifnum osti

Þessi súpa er alveg dásamlega góð og matarmikil. Ég er ólétt núna og er með svakaleg osta og brauð „kreivings“ eins og kannski fleiri. Súpan er ábyggilega ekki sú hitaeininga minnsta en haustið er komið og maður verður að halda á sér hita er það ekki.

Súpuna er auðvelt að útbúa og tekur um 30 mínútur.

Uppskriftin dugir fyrir 3-4 fullorðna ef hún er borin fram með brauði.

 

Innihald:

2 msk. smjör

hálfur bolli skorinn laukur

1 bolli gulrætur, ég notaði rifjárn fyrir þær

1 meðalstór brokkolíhaus smátt skorinn

2 bollar vatn

1 grænmetiskraftur

1 bolli mjólk

1 bolli matreiðslurjómi

2 msk. hveiti

1 tsk. salt

1 tsk. pipar

hnífsoddur cayanne pipar

1 bolli rifinn ostur, ég notaði pizza ostinn frá Gott í matinn

Aðferð:

Brokkolí, gulrætur og laukurinn er sett í pott og steikt upp úr smjörinu í 5-10 mínútur. Passið að hafa hitann ekki of háan því grænmetið á ekki að brenna.

Þegar grænmetið er orðið mjúkt þá er öllu nema ostinum bætt út í og suðan látin koma upp og hrært í um 10 mínútur.

Þegar súpan hefur þykknað þá er ostinum bætt út í og hrært þar til hann er alveg bráðnaður. Fínt er að smakka súpuna til og athuga hvort þið viljið salta meira.

Súpan er svo borin fram með heitu brauði til að fullkomna þetta

 

Verði ykkur að góðu :)

 

Þið getið fylgst með því sem er nýtt hverju sinni hjá mér á Facebook síðunni minni

Viltu fylgjast með þessum bloggara?

Skráðu þig til að fá nýjustu færslurnar sendar!