Gígja S. Guðjóns
Mjúk bananakaka með rjómaostskremi
03. júní 2016

Mjúk bananakaka með rjómaostskremi

Ég er eiginlega orðlaus yfir þessari köku hún er svo góð, með betri kökum sem ég hef bakað - og já bara smakkað! Ég er varla að tíma að deila henni með öðrum þar sem mig langar að borða hana alla ein.. Mæli með að þið skellið í þessa við næsta tækifæri.


Mjúk bananakaka með smjör- og rjómaostskremi sem bráðnar í munni

Fyrir 6-8 manns

 

Innihald kaka:

2 bollar hveiti

1 tsk lyftiduft

1/2 tsk salt

1/2 tsk kanill

1/2 bolli smjör við stofuhita

1 bolli sykur

2 stór egg við stofuhita

2 tsk vanilludropar

3 bananar vel þroskaði miðlungsstórir

 

Innihald krem:

 

100 g smjör

3,5 bolli flórsykur

1 tsk sjávarsalt

1 tsk vanilludropar

500 g kaldur rjómaostur til matargerðar frá Gott í matinn

1 tsk kanill

 

Til skreytingar (val): brytjaðar pekanhnetur eða aðrar hnetur og karamellusósa

 

 

Aðferð:

Hitið ofninn 180°C blástur.

Það er gott að byrja á að brúna smjörið sem er í kreminu þar sem það þarf að fara inn í frysti í 45 mínútur.

Kaka:

Blandið saman í skál hveiti, lyftiduft, salt og kanil.

Stappið bananana vel saman á disk.

Í hrærivélinni hrærið saman sykur og smjör, þegar blandan er orðin ljós bætið þá eggjum saman við, einu í einu og vanilludropum.

Bætið hveitiblöndunni við og hrærið á litlum hraða, í lokin fara bananarnir út í og þeim er hrært saman við með sleif.

Kakan er sett í tvö smurð form og inn í ofn í 20-25 mínútur eða þar til kakan hefur tekið lit og bökuð í gegn, gott að stinga gaffli til að ath.

 

Krem:

Það sem gerir kremið svona gott er held ég smjörið. Þetta er aðeins öðruvísi krem þar sem smjörið er brúnað á pönnu. Smjörið er sett á pönnu á miðlungs hita og hrært vel með sleif þar til smjörið byrjar að brúnast aðeins, þá er smjörið sett í skál og inn í frysti í 45 mínútur.
Þegar smjörið er orðið þétt þá er það tekið út og sett í hrærivélina og hrært í mínútu þar til það er loftkennt eða „fluffy“, þá er öllu nema rjómaosti bætt út í og hrært saman. Í lokin fer rjómaosturinn og gott er að seta hann ofan í í þremur pörtum og hræra á milli. Ef kremið (einnig kallað frosting) er of lint er gott að kæla það aðeins áður en það er sett á kökuna, betra er að hafa kremið stíft.

 




Njótið vel :) Facebook síðan mín er www.facebook.com/gigjas og vefsíðan www.gigjas.com

Viltu fylgjast með þessum bloggara?

Skráðu þig til að fá nýjustu færslurnar sendar!