Gígja S. Guðjóns
Litlar ostakökur með saltri karamellusósu
01. nóvember 2018

Litlar ostakökur með saltri karamellusósu

Þessar litlu ostakökur eru svakalega bragðgóðar og bráðna uppi í manni. Kökurnar gerði ég fyrir babyshower hjá vinkonu minni og vöktu þær mikla lukku hjá gestum.

Þetta eru kannski ekki fljótlegustu kökurnar að gera, er þær eru svo sannarlega tímans virði.

Gerir 18-20 kökur í möffins stærð

Ég notaði möffinsform úr áli utan um 12 stk. og þær verða aðeins fallegri í laginu. En ef þið eigið ekki þannig form þá eru bréf formin líka næg.

Ofninn er hitaður í 160 gráður

 

Innihald

Ostakökur:

18-20 möffinsform

10 Lu kexkökur

1 msk. púðusykur

3 msk. brætt smjör

400 g rjómaostur frá Gott í matinn

1/2 bolli sykur

1 egg

 

Sölt karamellusósa:

1/2 bolli sykur

2 msk. smjör

3 msk. rjómi frá Gott í matinn

Sjávarsalt

Aðferð kaka:

Kexið er mulið í matvinnsluvél eða á annan hátt og bræddu smjöri og púðursykri blandað saman við.

Kexinu er síðan þjappað ofan í möffins formin.

Rjómaostur, egg og sykur fara saman í hrærivélina og þeytt þar til blandan verður mjúk.

Þá fer um ein matskeið ofan í hvert möffinsform og kökurnar settar í ofninn í 20 mínútur.

Þegar kökurnar koma út eru þær kældar inni í ísskáp í um klukkustund áður en karamellan er sett á.

Það er eðlilegt að kökurnar falli aðeins í ísskápnum.

Aðferð sölt karamellusósa:

Byrjið ekki á sósunni fyrr en kökurnar hafa verið kældar.

Sykurinn er bræddur í potti þar til hann er orðin alveg kekkjalaus og ljósbrúnn, það þarf að hræra með sleif allan tímann.

Næst er smjörinu bætt við og potturinn tekinn af hellunni. Rjóminn fer út í lokinn og hrært þar til karamellan verður silkimjúk.

Ef hún fer að kekkjast þá er hægt að setja hana aðeins aftur á helluna.

Ein teskeið af karamellu er sett yfir kökurnar ásamt dassi af sjávarsalti og kökurnar síðan kældar.

Kökurnar gerði ég daginn áður og lét vera inni í ísskáp yfir nóttu.

 

Njótið vel :)

Fleiri uppskriftir frá mér er að finna inná www.gigjas.com og www.facebook.com/gigjas

Viltu fylgjast með þessum bloggara?

Skráðu þig til að fá nýjustu færslurnar sendar!