Litlar ostakökur með saltri karamellusósu

Ostakökur

• Kexið er mulið í matvinnsluvél eða á annan hátt og bræddu smjöri og púðursykri blandað saman við.
• Kexinu er síðan þjappað ofan í möffins formin.
• Rjómaostur, egg og sykur fara saman í hrærivélina og þeytt þar til blandan verður mjúk.
• Þá fer um ein matskeið ofan í hvert möffinsform og kökurnar settar í 160° gráðu heitan ofn í 20 mínútur.
• Þegar kökurnar koma út eru þær kældar inni í ísskáp í um klukkustund áður en karamellan er sett á.
• Það er eðlilegt að kökurnar falli aðeins í ísskápnum.

Sölt karamellusósa

• Byrjið ekki á sósunni fyrr en kökurnar hafa verið kældar.
• Sykurinn er bræddur í potti þar til hann er orðin alveg kekkjalaus og ljósbrúnn, það þarf að hræra með sleif allan tímann.
• Næst er smjörinu bætt við og potturinn tekinn af hellunni. Rjóminn fer út í lokin og hrært þar til karamellan verður silkimjúk.
• Ef hún fer að kekkjast þá er hægt að setja hana aðeins aftur á helluna.
• Ein teskeið af karamellu er sett yfir kökurnar ásamt ögn af sjávarsalti og kökurnar síðan kældar.

Höfundur: Gígja S. Guðjónsdóttir