Gígja S. Guðjóns
Laxa taco með avocado og lime dressingu
26. júlí 2016

Laxa taco með avocado og lime dressingu

Ég útbjó þetta unaðslega laxa taco sem er aðeins öðruvísi en maður er vanur að borða. Ég panta mér oft fish tacos þegar ég er erlendis og ég hef smakkað margar útgáfur en hér ætla ég að sýna ykkur mína uppskrift af svokölluðu fish taco. Rétturinn er afskaplega ferskur og sumarlegur og þessi uppskrift dugar fyrir tvo til þrjá.

 

Avocado og lime dressing

Dressingin á tacoinu er aðal málið, í hana fer:

180 g 36% sýrður rjómi frá Gott í matinn

1 avocado

safi úr einni lime

7 sneiðar af jalapeno

nokkrir stilkar af kóríander

smá salt

Þessu er öllu blandað saman í matvinnsluvél eða góðum blandara.

 

Laxa taco:

2 tómatar

jöklasalat

gular baunir

hálfur rauðlaukur

lime

1 avocado

kóriander

feta kubbur frá Gott í matinn

300 g lax

cayanne pipar

8 soft corn tortillas (Keypti minnstu gerðina í Bónus og klippti eins og 1 cm í kring til að gera þær enn minni, muna skola skærin vel.)

 

Jöklasalatið er saxað niður og tómötum, baunum, rauðlauk og lime safa blandað við.

Avocado er skorið í teninga og fetakubburinn mulinn (ég notaði helming af kubbnum )

Laxinn kryddaði ég með nóg af cayanne pipar og grillaði síðan á mínútu grilli og hitaði tortillurnur einnig á mínútugrillinu. Að sjálfsögðu er líka hægt að hita hvort tveggja í ofninum.

Þá er þessu öllu smellt saman, salsa, laxinum, avocado, fetaosti, nóg af dressingu og toppað með smá kóríander.

Njótið vel.

 

Like síðan mín á facebook er www.facebook.com/gigjas

Viltu fylgjast með þessum bloggara?

Skráðu þig til að fá nýjustu færslurnar sendar!