Gígja S. Guðjóns
Kjúklingabræðingur - KETO
26. apríl 2019

Kjúklingabræðingur - KETO

Kjúklingabræðingur með guacamole og beikoni - KETO

Þetta er æðislega góður réttur sem sló heldur betur í gegn á heimilinu og einnig hjá þeim stutta sem er eins árs. Rétturinn hentar líka þeim sem eru á ketó.

Innihald:

Fyrir 4

 

4 kjúklingabringur

4 avocado

1 lime

1 tómatur

1/2 rauðlaukur

6 beikonsneiðar

Gratínostur frá gott í matinn

Olía

Salt og Pipar

Chilli krydd

Kóríander

 

Aðferð:

Skref 1:

Kjúklingabringurnar eru kryddaðar með salti, pipar og chilli kryddi og steiktar í olíu á pönnu við miðlungs hita þar til þær eru eldaðar í gegn. Það er lykilatriði að pannan sé ekki of heit því þá getur kjúklingurinn brunnið að utan, en við viljum hafa hann mjúkan og góðan.

 

Skref 2:

Á meðan kjúklingurinn er á pönnunni er guacamole og beikonið græjað.

Beikonið er sett í 200 gráðu heitan ofn þar til að það er orðið stökkt en þá er það tekið út og mulið.

Ekki slökkva á ofninum þar sem kjúklingurinn fer líka inn í ofn.

 

Guacamoleið er auðvelt. Avocado er stappað og niðurskornum tómötum, rauðlauk, lime safa og salti og pipar er bætt við og maukað með gaffli.

 

Skref 3:

Þegar kjúklingabringurnar eru tilbúnar er guacamole sett ofan á, ostinum stráð yfir og beikon bitunum stungið í.
Næst fer kjúklingurinn inn í ofn í aðeins 3-5 mínútur svo að osturinn bráðni og hann næst borin fram heimtur með fersku kóríander eftir smekk.

 

Njótið vel, Gígja S

Viltu fylgjast með þessum bloggara?

Skráðu þig til að fá nýjustu færslurnar sendar!