Jólasnittur | gottimatinn.is
Gígja S. Guðjóns
Jólasnittur
22. desember 2017

Jólasnittur

Ég var með saumaklúbb og vildi hafa eitthvað jólalegt og ákvað að gera tvær tegundir af snittum. tortillurnar er hægt að útbúa samdægurs eða kvöldinu áður. Hinar snitturnar geta verið tilbúnar og það þarf bara að stinga þeim í ofninn þegar fólkið mætir og bæta ofan á þær.

Báðar einstaklega jólalegar og henta vel í forrétti í jólaboðin eða í saumaklúbbinn.

Jóla tortillur með trönuberjum:

Innihald:

500 g rjómaostur frá Gott í matinn

100 g trönuber

Hálfur púrrulaukur, smátt skorinn

6 tortilla kökur (ég ætlaði að hafa grænar en þær voru ekki til í búðinni, það er auðvitað ennþá jólalegra ef þið rekist á þannig)

 

Aðferð:

Rjómaostinum, trönuberjunum og púrrulauknum er blandað saman í skál og smurt á tortilla kökurnar. síðan er þeim rúllað upp og þær skornar í litla bita. Geymið í kæli þar til rúllurnar eru bornar fram.

  

 

Jólasnittur með camembert, eplum og pekanhnetum

Gerir um 16 snittur

 

Innihald:

Snittubrauð

mango chutney

1 epli

1 Dala-Camembert (eða Dala-brie)

Pekanhnetur

Hunang eða sýróp (sýrópið er sætara, og fer líka vel með snittunum)

 

Aðferð:

Snittubrauðið er skorið

Smurt með mango chutney og sneið af camembert ostinum bætt við á hverja snittu

 

Snitturnar settar í ofn í 5-7 mínútur við 180 gráður

Þegar snitturnar koma út er þunn eplaskífan, pekanhneta og hunang/sýróp sett yfir og borið fram

Njótið vel og gleðilega hátíð kæru lesendur :)

Viltu fylgjast með þessum bloggara?

Skráðu þig til að fá nýjustu færslurnar sendar!