Gígja S. Guðjóns
Jólagóðgæti frá Gígju - Piparkaka með kanil rjómaostakremi
16. desember 2016

Jólagóðgæti frá Gígju - Piparkaka með kanil rjómaostakremi

Ég væri til í að baka þessa köku á hverjum degi bara til að fá lyktina í húsið mmm mmm. Ég gerði þessa guðdómlega góðu piparköku fyrir saumaklúbb núna í desember. Ég held að mig muni dreyma um kremið næstu vikur NAMMI. Mæli með þessari köku í jólaboðin núna í desember, hún er rosalega jólaleg og góð og auðvitað skemmir ekki fyrir hvað er hægt að gera hana fallega.

Piparkaka með kanil rjómaostakremi

Undirbúningur: 15 mínútur

Ofn: 20-25 mínútur

Alls: um 40 mínútur

 

Myndi segja að kakan væri fyrir 8 svanga en 10-12 manns í desert

 

Ofninn er hitaður í 180 blástur

 

Innihald kaka:

300 g fínmalað spelt eða hveiti

200 g hrásykyr / cane sugar

2 msk. ground ginger (engiferduft)

1 msk. ground cloves (negulduft)

1 msk. kanill

2 tsk. lyftiduft

1 tsk. matarsóti

1/2 tsk. salt

——————————

3 stór egg

2 msk. dökkt agave síróp

200 g smjör við stofuhita

200 ml nýmjólk

1 msk. vanilludropar

 

Innihald krem:

250 ml rjómi

400 g rjómaostur frá gott í matinn

1 msk. kanill

200 g flórsykur

  

 

Aðferð kaka:

Öllum þurrefnum er blandað saman í hrærivélinni og smjörinu bætt út í og hrært þar til það hefur blandast vel saman.

Bætið næst einu eggi í einu við blönduna og hrærið vel, næst fer mjólkin og vanilludroparnir og hrært vel. Blandan á að verða pínu „fluffy“.

 

Setjið deigið í tvö smurð form og inn í ofn í 25 mínútur eða þar til hægt er að stinga í kökuna og ekkert festist á gafflinum.

Fínt að útbúa kremið á meðan kakan er í ofninum.

Kakan er látin kólna alveg áður en kremið er sett á.

 

Aðferð krem:

Rjóminn er þeyttur og settur til hliðar.

Rjómaosti, kanil og flórsykri er hrært saman í hrærivél þar til blandan er orðin mjúk, þá er rjómanum hrært saman við með sleif.

Kreminu er smurt á kökuna og hún skreytt að vild, til dæmis með piparkökum.

 

Gleðileg jól kæru lesendur :)

 

Viltu fylgjast með þessum bloggara?

Skráðu þig til að fá nýjustu færslurnar sendar!