Gígja S. Guðjóns
Hnetusmjörsostakaka með Oreo-botni
04. júní 2015

Hnetusmjörsostakaka með Oreo-botni

Þessi er ostakaka algjört æði, enda alveg svakalega sykurbomba! Ég er með algjört hnetusmjörsblæti þessa dagana og því var þessi tilvalin. 

Reese's hnetusmjörsostakaka með Oreo-botni

Innihald:

300 gr hnetusmjör (ég notaði fínt)

400 gr rjómaostur

1 lítill peli rjómi

hálfur bolli sykur

1 1/2  kassi Oreo (6 pokar með 4 kexkökum í)

50 gr smjör

3 pakkar Reese's cups, sem gera 9 stk.

 

Aðferð:

1. Smjörið er brætt

2. Oreoið er mulið í matvinnsluvél/blandara og blandað saman við smjörið.

3. Oreo-blandan er sett í botninn á forminu (ég nota smelluform svo það sé auðvelada að taka kökuna úr).

4. Sett í kæli í um 10 mín.

5. Rjóminn þeyttur og settur í skál.

6. Þar næst er hnetusmjör, rjómaostur og sykur þeytt saman í 1-2 mín.

7. Rjómanum og einum pakka af brytjuðum Reese's cups er svo blandað rólega saman við með sleif.

8. Blandan er sett yfir Oreo-botninn og inn í ísskáp í nokkra tíma, kakan er þó best ef hún er útbúin kvöldið áður en hún er borin fram.

9. Kakan skreytt með restinni af Reese’s peanut butter cups.

10. Ég bræddi einnig smjör og kakó og skreytti með.

Ég mæli með þessari í næsta saumaklúbb eða hitting! Njótið vel :)

Viltu fylgjast með þessum bloggara?

Skráðu þig til að fá nýjustu færslurnar sendar!