Gígja S. Guðjóns
Grilluð kjúklingalæri með sumarlegu hrísgrjónasalati
11. júní 2019

Grilluð kjúklingalæri með sumarlegu hrísgrjónasalati

Þessi réttur er sumarið fyrir mér, en ég hef fengið þennan rétt ansi oft heima hjá pabba mínum og stjúpu og fékk leyfi til þess að deila þessari skotheldu sumaruppskrift með lesendum mínum.

Uppskriftina er hægt að stækka og minnka að vild en það er flott að áætla um 3 kjúklingaleggi á mann og uppskrifin að hrísgrjónasalatinu dugir fyrir amk 6 manns.

Kjúklingaleggir:

Olía

Ítalskt pastakrydd frá pottagöldrum

Rósmarín

Garlic og parsley krydd frá McCormic

Svartur pipar

 

Hrísgrjónasalat:

2 pokar grjón

1 púrrulaukur

200 g grænt pestó

1 krukka sólþurrkaðir tómatar

1 dós maísbaunir

2 litlar krukkur Dala Veislufetaostur

 

Grjónasalatið er ekki borðað heitt þannig það er hægt að útbúa það kvöldið áður eða fyrr um daginn sem er mjög þægilegt, þá er það eina sem þarf að gera að skella kjúklingnum á grillið.

 

Skref 1:

Grjónin er soðin samkvæmt leiðbeiningum.

 

Skref 2:
Púrrulaukurinn er skorinn smátt, sólþurrkuðu tómatarnir eru þerraðir og skornir niður. Olíunni er hellt af fetaostinum áður en honum er blandað saman við grjónin ásamt maísbaununum.

 

Skref 3:

Kjúklingurinn er þerraður og penslaður með kryddblöndunni áður en hann er settur á grillið. Best er að elda kjúklinginn þegar hann hefur náð stofuhita svo hann sé safaríkur og mjúkur.

 

Réttinn bar ég einnig fram með sýrðum rjóma með graslauk og lauk frá Gott í matinn, dásamlega gott.

Sumarkveðjur, Gigja S

Viltu fylgjast með þessum bloggara?

Skráðu þig til að fá nýjustu færslurnar sendar!