Gígja S. Guðjóns
Fylltar kjúklingabringur með jalapeno og Óðals Maribo
15. febrúar 2019

Fylltar kjúklingabringur með jalapeno og Óðals Maribo

Þið sem fylgist með blogginu mínu vitið kannski að ég er mikið fyrir að prófa nýja kjúklingarétti. Þessi er æðislega góður. Rjómakenndur og svolítið sterkur en þið getið auðvitað ráðið því svolítið hversu mikið jalapeno þið setjið. Ég mæli með þessum næst þegar þið viljið gera vel við ykkur.

Uppskrift fyrir 4:

4 stk. kjúklingabringur

5-6 sneiðar Óðals Maribo ostur, skorinn í teninga

100 g rjómaostur frá Gott í matinn

4 beikon sneiðar, skornar smátt

Jalapeno

Salt og pipar

Aðferð:

Ofninn hitaður á 180 gráður blástur

Skerið rákir í kjúklinginn, passið að fara ekki alveg í gegnum hann.

Hrærið saman rjómaosti, beikoni, Óðals Maribo, salti og pipar.

Pressið blöndunni ofan í rákirnar á kjúklingnum og jalapenoinu meðfram.

Kryddið með salti og pipar og setjið inn í ofn í 25-30 mínútur eða þar til kjúklingurinn er eldaður í gegn.

Með kjúklingnum var ég með kartöfluskífur og sýrðan rjóma frá Gott í matinn. Sýrði rjóminn með graslauk og lauk er í miklu uppáhaldi á þessu heimili og mér finnst hann passa vel með flestum kjúklingaréttum.

 

Viltu fylgjast með þessum bloggara?

Skráðu þig til að fá nýjustu færslurnar sendar!