Gígja S. Guðjóns
Aspas kjúklingur með parmesan kartöflum
10. júlí 2018

Aspas kjúklingur með parmesan kartöflum

Aspas kjúklingur og parmesan kartöflur

Ég gerði þennan æðislega kjúkling í kvöld og hann sló heldur betur í gegn, kjúklingurinn var ekkert smá ferskur og góður og sætu kartöflurnar með þeim betri sem ég hef gert.

Með þessu bar ég svo fram uppáhalds köldu sósuna mína sem er bragðbættur sýrður rjómi sem er góður með flest öllum mat finnst mér.

Það er auðvitað misjafnt fyrir hversu marga rétturinn er eldaður og hvað hver vill hafa mikið af kryddi o.fl. svo ég gef ykkur uppskriftina í frekar grófum dráttum

Ofninn hitaður í 200 gráður blástur

 

Kjúklingur, innihald:

Kjúklingur

Góðostur 26% eða Óðalsostur frá MS

Ferskur aspas (mv. 2-3 stk. á mann)

Sítrónubörkur

Salt og pipar

Paprikukrydd

 

Kartöflur, innihald:
Stór sæt kartafla (dugir fyrir 2-3)

1 stk. hvítlauks rif

3-4 msk. olía

Salt og pipar eftir smekk

3 msk. rifinn parmesan ostur, ferskur eða í kryddi

Italian krydd eftir smekk

Parsley krydd

 

Köld sósa, innihald:

18% sýrður rjómi frá MS

1 stk. hvítlauks rif

Safi úr hálfri sítrónu

Salt og pipar eftir smekk

 

Aðferð:

Kartöflurnar eru skornar í litla teninga

Blandið saman í skál; olíu ásamt hvítlauk og kryddunum fyrir utan parsley, það fer á kartöflurnar þegar þær koma úr ofninum.

Kartöflunum er velt upp úr olíublöndunni og raðað á ofnplötu.

Smá olía er skilin eftir til að pensla aspasinn.

Kjúklingurinn er skorinn þvert og opnaður eins og umslag.

Kryddið kjúklinginn með salti og pipar og rífið sítrónubörkinn fínt yfir.

Osturinn og olíuborinn aspasinn er svo settur inn í.

Næst er kjúklingnum lokað og hann kryddaður með salti, pipar og papriku kryddi.

Kjúklingurinn er þá settur á ofnplötuna með kartöflunum og bakað í ofninum í 25-30 mínútur.

Sósan gæti ekki verið einfaldari. Blandið pressuðu hvítlauksrifi, safa úr hálfri sítrónu út í sýrða rjómann og saltið og piprið eftir smekk.

Njótið vel.

Fleiri uppskriftir frá mér er að finna á www.gigjas.com og www.facebook.com/gigjas

 

Viltu fylgjast með þessum bloggara?

Skráðu þig til að fá nýjustu færslurnar sendar!