Berglind Hreiðarsdóttir
Vanillu skyrkökur með karamellubráð
21. nóvember 2018

Vanillu skyrkökur með karamellubráð

Vanillu skyrkökur með karamellubráð

Uppskriftin dugar í 18 litlar krukkur eða færri stærri ílát

Botn

1 pk Lu Bastogne Duo kex mulið

20 g brætt smjör

Skyrkaka

Ísey skyr vanilla (stór dós, 500g)

500 ml rjómi frá Gott í matinn

200 g hvítt súkkulaði

Fræ úr einni vanillustöng

Karamellubráð

20 stk. stórar og mjúkar rjómakaramellur

5 msk. rjómi frá Gott í matinn

Karamellukurl

 

Blandið saman kexi og smjöri og setjið góða teskeið í botninn á hverri krukku (meira ef notuð eru stærri ílát).

Bræðið súkkulaðið og leyfið því að kólna aðeins.

Þeytið rjóma og leggið til hliðar.

Þeytið skyrið og skafið úr vanillustönginni út í og blandið vel.

Blandið því næst bræddu súkkulaðinu saman við og að lokum rjómanum með sleikju þar til vel blandað. Skiptið á mill ílátanna.

Bræðið karamellur og rjóma saman við meðalháan hita þar til karamellurnar eru uppleystar. Leyfið að kólna örlítið en hellið þó yfir skyrkökurnar áður en blandan verður of þykk.

Skreytið með karamellukurli.

Viltu fylgjast með þessum bloggara?

Skráðu þig til að fá nýjustu færslurnar sendar!