Berglind Hreiðarsdóttir
Sælgætisterta
06. september 2019

Sælgætisterta

Svampbotn

3 egg

100 g sykur

45 g hveiti

45 g kartöflumjöl

1 ½ tsk. lyftiduft

  1. Þeytið saman egg og sykur þar til létt og ljóst.
  2. Sigtið saman hveiti, kartöflumjöl og lyftiduft og bætið varlega saman við.
  3. Smyrjið um 22 cm smelluform vel og setjið bökunarpappír í botninn, bakið við 175°C í um 12-15 mínútur eða þar til prjónn kemur hreinn út.

Marengs

4 eggjahvítur

190 g sykur

  1. Þeytið saman eggjahvítur og sykur þar til topparnir halda sér. 
  2. Teiknið um 20 cm hring á bökunarpappír og dreifið jafnt úr marengsblöndunni.
  3. Bakið við 100°C í tvær klukkustundir.

Súkkulaðifylling

4 eggjarauður

5 msk. flórsykur

100 g suðusúkkulaði

3 ½ dl rjómi frá Gott í matinn

  1. Þeytið eggjarauður og flórsykur þar til blandan þykkist og lýsist.
  2. Bræðið súkkulaðið, leyfið hitanum að rjúka úr í nokkrar mínútur og blandið því næst varlega saman við eggjablönduna.
  3. Þeytið rjómann og vefjið honum saman við súkkulaðiblönduna með sleif.

Rjómi og skraut

500 ml rjómi frá Gott í matinn

50 g suðusúkkulaði

  1. Þeytið rjómann og bræðið suðusúkkulaðið.

Samsetning

  1. Fyrst fer svampbotninn á kökudisk.
  2. Næst helmingur af þeytta rjómanum og ofan á hann helmingur af súkkulaðifyllingunni.
  3. Marengsinn kemur þá á milli og svo aftur restin af rjómanum og súkkulaðifyllingunni.
  4. Að lokum má strá brædda suðusúkkulaðinu ofan á súkkulaðikremið og kæla kökuna vel. Best er hún ef hún fær að vera yfir nótt í kæli. 

Viltu fylgjast með þessum bloggara?

Skráðu þig til að fá nýjustu færslurnar sendar!